Հայ մրցավարները և տեսուչները նոյեմբերին նոր նշանակումներ են ստացել Եվրոպայում, հաղորդում է ՀՖՖ-ի կայքը:
Հենրիկ Նալբանդյանի գլխավորած մրցավարական անձնակազմը կսպասարկի Եվրոպայի մինչև 21 տարեկանների առաջնության՝ նոյեմբերի 11-ին անցկացվելիք Սան Մարինո — Իսրայել հանդիպումը:
ՀՖՖ մրցավարների տեսուչ Կարեն Նալբանդյանը նշանակվել է 2022 թ. աշխարհի առաջնության ընտրական փուլի՝ նոյեմբերի 11-ին անցկացվելիք Ռուսաստան — Կիպրոս հանդիպման մրցավարների տեսուչ:
ՀՖՖ մրցավարների տեսուչ Գևորգ Հովհաննիսյանը նշանակվել է Եվրոպայի մինչև 21 տարեկանների առաջնության՝ նոյեմբերի 12-ին անցկացվելիք Շվեյցարիա — Մոլդովա հանդիպման մրցավարների տեսուչ:
Աշոտ Ղալթախչյանի գլխավորած մրցավարական անձնակազմը կսպասարկի Եվրոպայի մինչև 21 տարեկանների առաջնության՝ նոյեմբերի 16-ին անցկացվելիք Լիխտենշտեյն — Բելառուս հանդիպումը:
