Անգլիական «Մանչեսթեր Յունայթեդի» և Պորտուգալիայի ազգային հավաքականի նախկին ֆուտբոլիստ Նանին նշել է, թե որտեղ կարող է կարիերան ավարտել իր նախկին խաղընկեր, «Յուվենտուսի» առաջատար Կրիշտիանու Ռոնալդուն:
«Մի քանի տարի առաջ Ռոնալդուն ինձ ասաց, որ կարող է կարիերայի վերջին տարիներն անցկացնել ԱՄՆ-ում:
Այս պահին չգիտեմ՝ նա ինչ որոշում կընդունի, սակայն կարծում եմ, որ կա ԱՄՆ տեղափոխվելու հավանականություն»,- Նանիի խոսքը փոխանցում է ESPN-ը:
Ավելի վաղ հայտնի էր դարձել, որ «Յուվենտուսը» ֆինանսական խնդիրների պատճառով ցանկանում է հրաժարվել 35-ամյա Ռոնալդուի ծառայություններից: Պորտուգալացի հարձակվողի ծառայություններով հետաքրքրված է Լոնդոնի «Չելսին»:
