«НТВ» հեռուստաալիքը դադարեցրել է Լերա Կուդրյավցեւայի մասնակցությամբ «Секрет на миллион» հաղորդման նկարահանումները
«Խաղը» շոուի նկարահանումների դադարեցման մասին տեղեկատվության տարածումից հետո Գարիկ Մարտիրոսյանը հայտարարել է, որ նույն ճակատագիրն է բաժին հասել նաեւ «НТВ» հեռուստաալիքի այլ հաղորդումների։ Դրանց թվում նշվում է նաեւ Լերա Կուդրյավցեւայի մասնակցությամբ «Գաղտնիք, որը միլիոն արժե» հաղորդումը։ PopCornNews-ի հետ զրույցում հայտնել է․ իրեն արտապլանային արձակուրդ են ուղարկել, եւ ինքը չգիտի, թե ինչ պատճառով։
«Առայժմ մենք չենք նկարահանում «Գաղտնիք, որը միլիոն արժե» շոուն, այդ պատճառով ես մեկնել եմ։ Անկեղծ ասած՝ ես չգիտեմ՝ ինչու են դադարեցրել նկարահանումները։ Ինձ կարճ արձակուրդ են տվել, բայց ես չգիտեմ, թե ինչ պատճառով»,- հայտարարել է Լերան։
Ավելի վաղ Գարիկ Մարտիրոսյանը հայտնել է, որ երկրում համաճարակաբանական իրավիճակի պատճառով որոշ նախագծեր «սառեցված» են։ Նոր սահմանափակումները ստուդիայում մեծ քանակով մարդկանց ներկայությամբ հաղորդման նկարահանումներ չեն ենթադրում։
