Ռոնալդինյո․ Մեսին շարունակում է մնալ լավագույն ֆուտբոլիստն աշխարհում

Բրազիլիայի հավաքականի նախկին աստղ, լեգենդար Ռոնալդինյոն կարծում է, որ հիմա էլ աշխարհի լավագույն ֆուտբոլիստը աշխարհի չեմպիոն Արգենտինայի հավաքականի եւ ՄԼՍ-ի չեմպիոն «Ինտեր Մայամիի» հարձակվող Լիոնել Մեսին է։

«Լեոն շատ պարտականություններ եւ մարզումներ ունի, բայց ամեն անգամ երբ մեզ հաջողվում է միասին ժամանակ անցկացնել, մեծագույն հաճույք ենք ստանում։

Նա շարունակում է մնալ լավագույն ֆուտբոլիստն աշխարհում։ Հույս ունեմ, որ նա աշխարհի առաջնությանը կմոտենա գերազանց մարզավիճակում եւ ամենաբարձր մակարդակում կդրսեւորի իրեն»,- Ռոնալդինյոյի խոսքը մեջերում է Ole-ն։

Աշխարհի առաջնությունը կանցկացվի հունիսի 11-ից հուլիսի 19-ը ԱՄՆ-ում, Մեքսիկայում եւ Կանադայում։