Կարող է թվալ, որ Պարկինսոնի հիվանդության վաղ նշանները դժվար է նկատել, եւ դրանք կարող են դրսեւորվել քնի ռեժիմի մեջ:
Պարկինսոնի հիմնադրամը պնդում է, որ «քնի ժամանակ հանկարծակի շարժումները» կարող են Պարկինսոնի հիվանդության նշան լինել:
«Բոլորի համար նորմալ է գիշերը «պտտվել» քնելու փոխարեն: Նույն կերպ մարմնի ցնցումները քնելու կամ ավելի թեթեւ քնի ժամանակ սովորական եւ հաճախ նորմալ են», — նշում է Պարկինսոնի հիմնադրամը:
Ըստ հիմնադրամի՝ Պարկինսոնի հիվանդության դեպքում քնի հետ կապված խնդիրները նորմալ երեւույթ են: Դրանք կարող են ազդել ձեզ վրա հիվանդության ցանկացած փուլում եւ հոգնածության եւ քնկոտության զգացում առաջացնել:
Mayo Clinic-ը պնդում է, որ Պարկինսոնի հիվանդությունը եւ քունը կապված են բարդ ձեւով, որը նույնիսկ գիտնականները լիովին չեն հասկանում:
«Երբեմն Պարկինսոնի հիվանդությունը քնի հետ կապված խնդիրներ է առաջացնում: Ըստ մի հետազոտության՝ քնի հետ կապված ախտանիշները կարող են լինել Պարկինսոնի հիվանդության ամենավաղ նշաններից մեկը: Պարկինսոնի հիվանդությամբ տառապող շատ մարդիկ քնի հետ կապված խնդիրներ ունեն: Ըստ հետազոտողների՝ Պարկինսոնի հիվանդությամբ տառապող երեքից երկուսը քնի հետ կապված խնդիրներ ունեն:
Պարկինսոնի հիվանդության շարժիչ ախտանիշներն են.
- Կոշտ մկանները
- Դողը
- Հավասարակշռության կամ կորդինացման հետ կապված խնդիրները
- Անսովոր դանդաղ շարժումները:
