Ամերիկյան Google ընկերությունը նոր կանոններ է ներմուծում սմարթֆոններ արտադրողների համար:
Ընկերությունն այժմ պարտավորեցնում է սմարթֆոններ արտադրող ընկերություններին Android Go տեղադրել այն սարքերում, որոնք ունեն 2 ԳԲ-ից պակաս օպերատիվ հիշողություն, հայտնում է Astera-ն:
Այսպիսով, հոկտեմբերից մինչեւ 2 ԳԲ հիշողությամբ բոլոր սմարթֆոնները պետք է հագեցած լինեն պարզեցված Android Go-ով:
Ընդ որում, նշվում է, որ նորամուծությունները ուժի մեջ են Android 11 եւ Android 10 ունեցող նոր սարքերի համար:
Օրինակ, եթե օպերատիվ հիշողության նվազագույն ծավալով սմարթֆոնը հայտնվել է մինչեւ այս տարվա չորրորդ եռամսյակը, ապա կարելի է օգտագործել լիարժեք ՕՀ, իսկ բոլոր այն մոդելները, որոնք կունենան մինչեւ 2 ԳԲ հիշողություն եւ ավելի ուշ կթողարկվեն, ստիպված կլինեն Android Go-ով աշխատել:
