Մրայա Քերրիի ամանորյա հիթը նոր ռեկորդ է սահմանել

Մրայա Քերրիի ամանորյա I Want for Christmas Is You երգը, որն առաջին անգամ հնչել է 24 տարի առաջ, համարվում է ամենատարածված հիթերից: Այս տարի այն կրկին ռեկորդ է սահմանել: Billboard հարթակում երգը հայտնվել է 7-րդ հորիզոնականում:

Spotify ցանցում I Want for Christmas Is You երգը դեկտեմբերի 24-ին՝ կաթոլիկների Սուրբ Ծննդյան տոնի նախօրեին, լսել են 10,8 միլիոն անգամ:

Մրայա Քերին 1994 թվականից ի վեր հսկայական հոնորարներ է ստանում այս երգի համար: Գումարը հասնում է տարեկան մոտ կես միլիոն դոլարի: