Ավստրալիայի ազգային համալսարանի (ANU) գիտնականները հայտնաբերել են մուտացիա IKBKB գենում, որը պատասխանատու է փսորիազի առաջացման համար։ Փսորիազը մաշկի քրոնիկական բորբոքային հիվանդություն է, որը բնորոշվում է քորի եւ թեփի առաջացմամբ ամբողջ մարմնում։ Հետազոտության արդյունքները հրապարակվել են Nature Communications-ում (Nat Com)։
Հետազոտողները նշել են, որ մուտացիայի ենթարկված IKBKB գենի երկու պատճենի առկայության դեպքում փսորիազ ունեցող պացիենտների մոտ կարող է առաջանալ փսորիատիկ արթրիտ։ Դա անոթների քրոնիկական խորացող հիվանդություն է, որն ուղեկցվում է ցանով։
Գիտնականների խոսքով՝ մուտացիան IKBKB-ում հանգեցնում է իմունային բաղադրիչի ֆունկցիայի խանգարման, որը հայտնի է որպես կարգավորող Т-բջիջ։ Դրանք ճնշում են այլ բջիջների իմունային ռեակցիան։ «Ինքնավերահսկման» այդ կարեւոր համակարգը անհրաժեշտ է չափից ավելի ռեակցիաների, այդ թվում՝ աուտոիմունային ռեակցիայի, կանխման համար։
IKBKB-ի նորմալ ֆունկցիայի փոփոխությունը օրգանիզմում առաջ է բերում բորբոքում եւ մղում իմունային համակարգին գրոհել առողջ բջիջները՝ դրանք սխալմամբ որպես սպառնալիք ընկալելով։ Դա է աուտոիմունային շատ հիվանդությունների պատճառը, որոնց թվում է փսորիազը։
Հետազոտության հեղինակները նշել են, որ իրենց աշխատանքը կարող է հետագայում նպաստել փսորիազի թերապիայի նոր, ավելի արդյունավետ մեթոդների ստեղծմանը։
