Ջորջիո Արմանին նոր ինքնակենսագրական է թողարկել, որը կոչվում է «Per Amore»: Գիրքը լինելու է 2015 թվականին լույս տեսած պատկերազարդ հատորի շարունակությունը՝ ի պատիվ համանուն դիզայներական ապրանքանիշի 40-ամյակի։ Այդ մասին գրում է WWD-ն։
Գրքում ներառված են Արմանիի անձնական լուսանկարները՝ վաղ մանկությունից մինչեւ հայտնի ընկերների ու մոդելների հետ նկարներ: Նոր հրատարակությունը ներկայացնում է Արմանիի կյանքի իրադարձությունների մասին պատմվածքի ընդլայնված տարբերակը։
«Ընտրեցի մի վերնագիր, որը եւ՛ մեղմ է, եւ՛ սադրիչ, որն իմ բնավորության հրաշալի արտացոլումն է: Ես պրագմատիկ ու ռացիոնալ եմ, բայց իմ բոլոր գործողությունները բխում են սրտից: Ահա թե ինչու այս գրքում հավաքված անհամաչափ մտքերը գրված են «սիրուց», — ասել է դիզայները:
Գրքում Արմանին իրեն բնորոշում է որպես «մարդ, ով գործը տանում է մինչեւ վերջ, ոչ թե պարզապես խոսում դրա մասին»:
