Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեն ակումբակից Աշրաֆ Հակիմիի հետ այցելել է Մադրիդ։ Նրանք սոցիալական ցանցերում լուսանկար են հրապարակել Իսպանիայի մայրաքաղաքից։
23-ամյա հարձակվողը Մադրիդի «Ռեալի» գլխավոր տրանսֆերային նպատակն է, սակայն կողմերը համաձայնության չեն հասնում ֆուտբոլիստի իմիջային իրավունքի հարցում։
Մբապեի պայմանագիրը ՊՍԺ-ի հետ նախատեսված է մինչեւ այս մրցաշրջանի ավարտը։ Փարիզյան ակումբը պատրաստ է 2 տարվա պայմանագրով Մբապեին վճարել 200 միլիոն եվրո։
