Մեգան Մարքլն ու արքայազն Հարրին որոշել են հանգիստ կազմակերպել եւ մեկնել են Իբիցա։ Մեգան Մարքլի ծննդյան օրն անաղմուկ նշելուց հետո զույգը մեկնել է Բալեարյան կղզիներ։ Փոքրիկ Արչին ծնողների հետ է եղել։ Այս ճամփորդությունը նրա համար առաջինն էր։ Նրանք այդ մասին ամբողջ աշխարհին չեն հայտարարել։
Լրագրողներին չի հաջողվել պարզել, թե կոնկրետ որտեղ են ժամանակ անցկացրել ամուսինները, սակայն քանի որ զույգը սիրում է գաղտնիություն, կարելի է ենթադրել, որ նրանք մասնավոր վիլա են վարձել հանգիստ վայրում, գրում է Mirror-ը։
Հաղորդվում է նաեւ, որ զույգը մի քանի ուղեվարի է վարձել, որոնք լավ գիտեն տեղանքը։ Մարքլն առաջին անգամ չի այցելում Իբիցա։ 2016թ.-ին ապագա դքսուհին ընկերների հետ հանգստացել է Միջերկրական ծովի ափին։ «Ֆորս մաժորներ» սերիալի դերասանուհին այդ ժամանակ հմայիչ լուսանկարներ էր հրապարակում Instagram-ում։ Դրանցից մեկում երեւում է՝ ինչպես է Մարքլն արեւայրուք ընդունում բիկինիով։
