Մերկ Քորթնի Քարդաշյանի կերպարով ծննդյան տորթ․ աստղը մեծ շուքով նշել է 40-ամյակը

Քարդաշյան-Ջեններ ընտանիքը կարողանում է աղմկոտ երեկույթներ կազմակերպել։ Քորթնի Քարդաշյանի հոբելյանը բացառություն չի եղել։ Այս առիթի կապակցությամբ Քորթնին իր մոր՝ Քրիս Ջենների տանը հավաքել է հարազատներին եւ ընկերներին։

40-ամյա Քորթնին երեկույթի համար ընտրել է Versace-ի վինտաժային, մասամբ թափանցիկ, մարմինն ընդգրկող զգեստ, որը նրան երեկույթի թագուհին է դարձրել։ Քարդաշյանների ավագ քրոջը շնորհավորելու համար հավաքվել էր ողջ ընտանիքը։

Քիմ Քարդաշյանը քրոջ տարեդարձին այցելել է ամուսնու՝ Քանյե Ուեսթի եւ երեխաների հետ։ Քայլի Ջեններն՝ իր սիրելի Թրեւիս Սքոթի։ Երեկույթին ներկա է եղել նույնիսկ Քորթնիի նախկին բոյֆրենդ Սքոթ Դիսիկը եւ նրա տատիկը՝ 84-ամյա Մերի Ջո Քեմփբելը։ Տոնին ուրախացել են նաեւ Քորթնիի աստղային ընկերները՝ ներառյալ Փերիս Հիլթոնի եւ մանեքեն Լուկա Սաբբատայի։

Աղմկոտ երեկույթն ավարտվել է շքեղ տորթով եւ թեյըմպումով։ Տորթը զարդարված էր հենց Քորթնիի տեսքով․ նա առանց հագուստի նստած է լոգարանում։ Հենց այս դիրքով ռեալիթի շոուի աստղը լուսանկարվել էր իր կայքի գովազդային ընկերության համար։