Քիմ Քարդաշյանն ու Քանյե Ուեսթը նշել են Չիկագոյի առաջին տարեդարձը

Հունվարի 15-ին Քիմ Քարդաշյանն ուՔանյե Ուեսթն անցկացրեցին հերթական ընտանեկան միջոցառումը, այս անգամ փոքրիկ դստեր՝ Չիկագոյի առաջին տարեդարձն էր։ Քանի որ Չիկագոն դեռ փոքրիկ է, ծնողները մեծ ու աղմկոտ տոնակատարություն չէին կազմակերպել, այլ մտերիմներով հավաքվել էին իրենց տանը։

Ընտանեկան ճաշին ներկա էր Չիկագոյի տատիկը՝ Քրիս Ջեններն ընկերոջ՝ Կորի Գեմբելի հետ միասին, ինչպես նաև Քորթնի Քարդաշյանը։ Քիմի մյուս քույրերը, ըստ երևույթին, չէին կարողացել ներկա լինել։

Քորթնին փոքրիկին նվիրել էր դեղին մեծ ավտոմեքենա, որը Քիմի ու Քանյեի Mercedes մեքենայի նմանակն էր։ Նվերն ուրախացրել էր ոչ միայն Չիկագոյին, այլ նաև նրա ավագ քրոջը՝ Նորթին ու եղբորը՝ Սենթին։