Ջիգարխանյանը ռուսական ԶԼՄ-ների կողմից ամենաշատ հիշատակված անձանց ցանկում երկրորդն է
«Մեդիալոգիա» ընկերությունը կազմել է 2018 թվականաին ռուսական լրատվամիջոցներով ամենաշատ հիշատակված հայտնի անձանց ցուցակը, որի մեջ ներառվել են նաև ֆիլմեր, սերիալներ և հեռուստածրագրեր։ ՏԱՍՍ-ի հաղորդմամբ, ամենաշատ հիշատակված դերասանների ցուցակը գլխավորում է դերասան Կոնստանտին Խաբենսկին, որին ԶԼՄ-ները հիշատակել են 27 հազար 819 անգամ։ Երկրորդ տեղում է ԽՍՀՄ ժողովրդական արտիստ Արմեն Ջիգարխանյանը, նրան հիշատակել են 27 հազար 604 անգամ, երրորդ տեղում է Սերգեյ Բեզռուկովը, այնուհետև Դանիլա Կազլովսկին է և Վլադիմիր Մաշկովը:
Երգարվեստի ոլորտից ամենաշատը հիշատակել են Օլգա Բուզովային (132 հազար 757 հիշատակում), այնուհետև Ալլա Պուգաչովան (80 հազար 499 հիշատակում), ով այս տարի հայտարարել էր բեմ վերադառնալու մասին։ Երրորդ տեղում է Ֆիլիպ Կիրկորովը, չորրորդ և հինգերերոդ՝ Սերգեյ Շնուրովն ու Տիմատին։
Հիշեցնենք, որ «Մեդիալոգիա» ընկերությունը կազմել է նաև 2018-ի ընթացքում ամենաշատ մեջբերված լրագրողների ցանկը։ Այն գլխավորում է RT-ի գլխավոր խմբագիր Մարգարիտա Սիմոնյանը.
