Մադրիդի «Ռեալի» ավագ Սերխիո Ռամոսը հայտարարել է, որ առաջինը կհեռանա թիմից, եթե այն գլխավորի պորտուգալացի մասնագետ Ժոզե Մոուրինյոն, ում «Մանչեսթեր Յունայթեդից» հեռացրել են` վատ արդյունքների համար: Այս մասին հայտնում է «Mundo Deportivo»-ն:
Ռամոսի և Մոուրինյոյի հարաբերությունները լավ չէին ընթանում 2010-2013 թթ., երբ պորտուգալացին աշխատում էր մադրիդյան թիմում: ԶԼՄ-ներում տեղեկություններ են պտտվում, որ «Արքայական ակումբը» մտածում է մասնագետին վերադարձնելու մասին և պատրաստ է նրան վճարել տարեկան 20 մլն եվրո աշխատավարձ: Բացի այդ, Մոուրինյոն պետք է որոշումներ կայացնի, թե որ ֆուտբոլիստները մնան թիմում և ովքեր համալրեն «Ռեալը»:
Աղբյուրը ՝ Panarama.am SPORT
