Business Insider պորտալը հրապարակել Է 2019 թվականին ավտոշուկայի ամենասպասված մոդելների ցուցակը: Դրանում հայտնվել Է 40 մարդատար ավտոմեքենա, բեռնատարներ եւ արտաճանապարհայիններ, տեղեկացնում Է«Արմենպրես»-ը:
2019 թվականին Audi-ն շուկա կհանի սեդանների նորացված շարքը, որում տեղ են գտել այնպիսի մոդելներ, ինչպիսիք են՝ A6-ը, А7-ը եւ А8-ը: Բացի այդ, ընկերությունը կսկսի Q8 նորացված արտաճանապարհայինի, ինչպես նաեւ Էլեկտրական E-Tron-ի վաճառքները:
BMW-ից ավտոսիրողներն սպասում են 3 Series նոր սեդանը, 8 Series կուպեն եւ Z4 ռոադսթերը: Հաջորդ տարի շուկայում կհայտնվի նաեւ X5 ամենագնացների նոր սերունդը եւ X7 ֆլագմանը:
XT4 կոմպակտ քրոսովերը կհամալրի Cadillac-ի մոդելային շարքը: Իսկ Honda-ն շուկա կհանի Passport քրոսովերը:
Հասանելի կլինեն նաեւ Hyundai-ի նորույթները՝ ջրածնային վառելիքով աշխատող Nexo քրոսովերը եւ ութտեղանոց Palisade-ն, ինչպես նաեւ Santa Fe արտաճանապարհայինը:
Բացի այդ, 2019 թվականին նաեւ կհայտնվի Land Rover Defender արտաճանապարհայինը եւ Range Rover Evoque երկրորդ սերնդի քրոսովերը:
Lincoln-ը կթողարկի Continental սեդանը, Aviator արտաճանապարհայինը եւ Nautilus քրոսովերը: Mercedes-Benz-ը՝ A-դասի նոր սեդանը, AMG GT սպորտքառը, GLE նոր սերնդի արտաճանապարհայինը, Էլեկտրական EQC-ը եւ G-Wagon-ի նորացված տարբերակը: Porsche-ն՝ երրորդ սերնդի Cayenne-ն, ութերորդ սերնդի 911 մոդելը եւ Taycan Էլեկտրական սեդանը:
Ութամյա ընդմիջումից հետո կրկին վաճառքում կհայտնվի Ford ընկերության Ranger պիկապը: Իսկ ավտոսրահներում վերջապես կհայտնվի Jeep Gladiator-ը: 2019 թվականին նաեւ կդեբյուտի Kia K900 սեդանը:
Ավտոբիրողները կկարողանան ձեռք բերել պրեմիում դասի քրոսովեր Lamborghini Urus-ը, կոմպակտ Lexus UX-ը, McLaren-ի 720S սուպերքառի նոր տարբերակը, Ram 1500 պիկապը, Rolls-Royce-ի նոր Cullinan-ը, Tesla-ի Model Y-ը, Toyota Supra-ն, Volkswagen Arteon-ը եւ ունիվերսալ Volvo V60-ը, հաղորդել Է ՌԻԱ Նովոստին:
