Էլթոն Ջոնը Ալենթաուն քաղաքում համերգի ժամանակ երգ է նվիրել Մակ Միլլերի հիշատակին

Էլթոն Ջոնը ԱՄՆ Ալենթաուն քաղաքում համերգի ժամանակ երգ է նվիրել Մակ Միլլերի հիշատակին։

«Don’t Let The Sun Go Down On Me» երգից առաջ Էլթոն Ջոնը մի քանի խոսք է ասել 26-ամյա երաժիշտի մասին։

«Անհավատալի է, որ նա մահացել է 26 տարեկանում։ Անհասկանալի է, որ այդքան երիտասարդ, այդքան տաղանդավոր մարդը կարող է մահանալ։ Ես ցանկանում եմ մեր ողջ սերն ու բարի ցանկություններն ուղղել նրա սիրելիներին, ընտանիքին ու ընկերներին»,-ասել է Էլթոն Ջոնը։

Հիշեցնենք, որ Մակ Միլլերը մահացավ սեպտեմբերի 7-ին Կալիֆորնիայում՝ թմրանյութերի գերդոզավորումից։