Լոնդոնի «Արսենալի» պաշտոնական կայքը ներկայացրել է թիմի նոր գլխավոր մարզչին` Ունայ Էմերիին:
Կայքում տեղ գտած նյութում լոնդոնցիները բարի գալուստ են մաղթում իրենց նոր մարզչին: Ունայը երեք տարվա պայմանագիր է կնքել «զինագործների» հետ և կստանա տարեկան 5 մլն եվրո:
«Ես շատ ուրախ եմ, որ մարզելու եմ աշխարհի լավագույն ակումբներից մեկը: «Արսենալը» միշտ հիշվել է իր լավ ու յուրահատուկ խաղով, տաղանդավոր երիտասարդ ֆուտբոլիստներով, ֆանտաստիկ մարզադաշտով: Ես շատ ուրախ եմ, որ դառնում եմ այս մեծագույն ակումբի պատմության մի մասը»,- նշել է իսպանացի մասնագետը:
Նշենք, որ Էմերին 4 տարիներ է անցկացրել «Սևիլիայում» և ևս 2 մրցաշրջան մարզել է ՊՍԺ-ն:
Ավելի վաղ հայտնել էինք, որ Էմերիի պաշտոնական կայքը հայտնել էր «Արսենալում» նրա նշանակման մասին, իսկ ավելի ուշ հաղորդագրությունը ջնջվել էր:
Public.am
