Առողջապահություն — Public.am

Աննա Դովլաթյանի վառ կերպարն ու լուսանկարն ամուսնու հետ

public — Fri, 24 Jan 2020 10:12:13 +0000

Դերասանուհի Աննա Դովլաթյանը կիսվել է նոր ընտանեկան լուսանկարով։

Instagram-յան էջի Stories բաժնում (այստեղ ցանկացած տեղեկատվություն հասանելի է միայն 24 ժամ, ինչից հետո անհետանում է) հրապարակված կադրերում Աննան պատկերված է ամուսնու՝ դերասան Դավիթ Աղաջանյանի հետ։ Գեղեցիկ զույգը մեղմ գրկախառնված է։ Դերասանուհին վառ կերպար է ընտրել։ Նա սպիտակ բլուզ է կրում եւ գեղեցիկ սանրվածքով է։ Աննա Դովլաթյանը նախապատվություն է տվել արտահայտիչ շպարին, կերպարն ամբողջացրել խոշոր ականջօղերով ու գլխազարդով։

Օրեր առաջ հրապարակված կադրերում Աննան սպիտակ հագուստ էր կրում։ Նա նախապատվություն էր տվել թափանցիկ բարձրակրունկներին։ Կերպարն ամբողջացնում էին գեղեցիկ սանրվածքն ու շպարը, ինչպես նաեւ ականջօղերը։ «Սքանչելի»,- հրապարակումը մեկնաբանել էր հետեւորդներից մեկը։

Մայիսի 3-ին և 4-ին կկայանա «Երևանի գինու օրեր» միջոցառումը. կսահմանափակվի Սարյան և Մոսկովյան փողոցների երթևեկությունը

public — Thu, 02 May 2019 15:00:33 +0000

Երևանում մայիսի 3-ին և 4-ին կսահմանափակվի Սարյան և Մոսկովյան փողոցների երթևեկությունը:

«Արմենպրես»—ի հաղորդմամբ, այս մասին տեղեկացնում է Երևանի քաղաքապետարանը: Երթևեկության սահմանափակման պատճառը «Երևանի գինու օրեր» միջոցառումն է:

«Մայիսի 3-ին՝ ժամը 12:00-23:00-ը և մայիսի 4-ին՝ ժամը 12:00-23:00-ը «Երևանի գինու օրեր» միջոցառման պատշաճ և անվտանգ կազմակերպման նպատակով Երևանի Պուշկին-Սարյան-Մոսկովյան-Սպենդիարյան փողոցների հատվածում կսահամանափակվի ավտոտրանսպորտային միջոցների երթևեկությունը»,-ասված է հաղորդագրության մեջ:

«Երևանի գինու օրեր» ամենամյա միջոցառումն արդեն դարձել է սիրված և սպասված ոչ միայն Հայաստանում, այլ նաև ՀՀ սահմաններից դուրս։ Այն դարձել է Երևանի այցեքարտերից մեկը համաշխարհային իրադարձային զբոսաշրջության շուկայում: «Երևանի գինու օրերը» նպաստում են Հայաստանի և, մասնավորապես, Երևանի իմիջի ամրապնդմանն ու բարձրացմանը համաշխարհային զբոսաշրջության շուկայում: Խնդիր է դրված ներգրավել մայիսյան արձակուրդ ունեցող երկրներից առավել մեծ թվով զբոսաշրջիկների և մրցունակ դիրք գրավել տարածաշրջանում:

Հուրի Գեբեշյան. Բժիշկներն իրենց կենսակերպով պետք է պացիենտների համար ընդօրինակելու օրինակ լինեն

public — Wed, 01 May 2019 05:04:15 +0000

Բժիշկներն իրենց կենսակերպով եւ սեփական առողջությամն հանդեպ վերաբերմունքով պետք է իրենց պացիենտների համար ընդօրինակելու օրինակ լինեն: Այս մասին հայ ուսանող բժիշկների հետ հանդիպման ժամանակ ասաց ԱՄՆ-ից հայազգի մարմնամարզիկ եւ բժիշկ Հուրի Գեբեշյանը:

Նրա խոսքով՝ բոլոր բժիշկներն ու բժշկական ֆակուլտետների ուսանողները հրաշալի գիտեն, թե ինչ է առողջ կենսակերպը, տեղյակ են դրա հիմքերին, սակայն ամենեւին ոչ բոլորն են դրանցով առաջնորդվում: Չգիտես ինչու, ոմանց թվում է, որ առողջ կենսակերպն այնքան էլ կարեւոր չէ եւ չպետք է առաջնային լինի: Իսկ իրականում, Խուրի Գեբեշյանի կարծիքով, ճիշտ սնվելը, ֆիզիկական ծանրաբեռնվածությունը եւ ծխելուց հրաժարվելը չափազանց կարեւոր են, եւ չի կարելի թերագնահատել կենսակերպի դերակատարումը:

Ինչպես նշեց Հուրին, եթե ցանկանում ենք, որ ազգն առողջ լինի, իրենք՝ բժիշկները պետք է ընդօրինակելու օրինակ լինեն եւ առողջ կենսակերպ վարեն: Քանի որ եթե բժիշկը չանի այն, ինչը խորհուրդ է տալիս անել պացիենտներին, ինչու պետք է պացիենտները լսեն նրա խորհուրդները:

«Ո՞ր բժշկի խորհուրդներին դուք ավելի շատ կվստահեք՝ ավելորդ քաշո՞վ բժշկի, որի արտաքինից անմիջապես երեւում է, որ նա ընդհանրապես իրեն չի հետեւում: Թե՞ բարեկազմ, առույգ, առողջությամբ եւ կյանքով լի բժշկի»,- հարցրեց Հուրին:

Նրա կարծիքով՝ նույնիսկ եթե բժիշկը ընդամենը մեկ մարդու ոգեշնչի կենսակերպում փոփոխություններ կատարել, դա արդեն հոյակապ է. այդ մարդու կյանքը դրական ուղղությամբ կփոխվի, նա ավելի առողջ եւ ամրապինդ կլինի, ավելին՝ նա առողջ կենակերպի գաղափարը կտարածի նաեւ իր շրջապատում:

«Իմ երազանքն է ավելի առողջ Հայաստան տեսնելը»,- ասաց Հուրին:

Հիշեցնենք, որ Հուրի Գեբեշյանը 2011 թվականին Հայաստանը ներկայացրել է սպորտային մարմնամարզության աշխարհի առաջնությունում, իսկ 2015 թվականին՝ սպորտային մարմնամարզության Եվրոպայի առաջնությունում: Նա մասնակցել է նաեւ 2016 թվականին Ռիո դե Ժանեյրոյում ամառային օլիմպիական խաղերին:

Հուրի Գեբեշյանը սովորել է Wake Forest School of Medicine-ում, որն ավարտել է 2014 թվականին բժշկական գիտությունների մագիստրոսի աստիճանով: Ներկայումս բժշկի օգնական է աշխատում Օհայո նահանգի Քլիվլենդի կլինիկայում:

Մեղրով պատրաստված դիմակներ՝ չոր մաշկի համար

public — Tue, 30 Apr 2019 04:42:47 +0000

Առաջարկում ենք մեղրով պատրաստվող դիմակների մի քանի տարբերակ՝ նախատեսված չոր մաշկի համար: Պետք է նշել, որ ցանկալի է վերցնել մաքուր ու անարատ մեղր:

Ի դեպ, մեղրով պատրաստվող դիմակի օգտագործելուց առաջ պետք է դեմքը լոսյոնով մաքրել, իսկ հետո լվանալ ջրով՝ առանց օճառի: Իսկ խոնավեցնող քսուքը հաստատ ավելորդ չի լինի:

Դիմակ 1. Առաջին տարբերակի համար պետք է տաքացնել մեղրը եւ խառնել նույն քանակությամբ կաթի եւ մեկ ճաշի գդալ կաթնաշոռի խառնուրդով: Ստացված զանգվածն արդեն կարելի է քսել դեմքին եւ 20 րոպե անց հեռացնել այն խոնավ բամբակե սկավառակներով:

Դիմակ 2. Երկու ճաշի գդալ վարսակի փաթիլներն անհրաժեշտ է լցնել կաթի մեջ եւ ավելացնել մեկ գդալ մեղր: Ստացված միատարր զանգվածը պետք է քսել դեմքին եւ թողնել մոտ 10 րոպե:

Դիմակ 3. Տարայի մեջ հարկավոր է լցնել 2 ճաշի գդալ մեղր, 30մլ. տաք կաթ, մի քիչ սպիտակ հաց (փշուրներ) ու մեկ ճաշի գդալ ձիթապտղի յուղ: Բոլոր բաղադիչները մի լավ խառնելուց հետո արդեն կարելի է զանգվածը հաստ շերտով քսել դեմքին եւ թողնել մոտ 20 րոպե:

Դիմակ 4. Մեկ թեյի գդալ մեղրն ու նույն քանակությամբ գլիցերինը պետք է խառնել ձվի դեղունցով եւ մերսող շարժումներով քսել դեմքին: 10 րոպե անց լվանալ տաք ջրով:

Ջենիֆեր Լոպես, Բեյոնսե… տարօրինակ դիետաներ, որոնց միջոցով նիհարում են աստղերը

public — Tue, 30 Apr 2019 04:40:52 +0000

Կազմվածքը պահպանելն աստղերի համար նման է պարտականության։ Նրանց մշտապես հետեւում են պապարացիները,երկրպագուները չեն վախենում քննադատական նկատողություններ ունել ցանկացած առիթով։ Cosmo-ն ներկայացրել է աստղերի ամենատարօրինակ դիետաները, որոնց նրանք հետեւել են։ Խորհուրդ չի տրվում կրկնել նրանց սխալները։

Զոի Կրավից

Ամերիակացի դերասանուհի Զոի Կրավիցը խոստովանում է, որ յուրաքանչյուր անգամ սնվելուց առաջ մեկ գդալ կավ է կերել, ինչի շնորհիվ նիհարել է 20 կիլոգրամ։ Այն կարող է օգնել օրգանիզմից դուրս բերել տвքսինները, սակայն կարող է նաեւ մեծ քանակով կապար եւ այլ նյութեր պարունակել։

Ջենիֆեր Լոպես

Ջենիֆեր Լոպեսը սովորել է «խաբել» օրգանիզմին։ Երգչուհին թուրինջի յուղ է քսում դաստակին եւ հոտ քաշում յուրաքանչյուր անգամ, երբ քաղցած է։ Դերասանուհին վստահեցնում է, որ այս յուղի բույրը խթանում է օրգանիզմն ավելի արագ այրել ճարպը։

Բեյոնսե

Մենք սովոր ենք Բեյոնսեին տեսնել փարթամ կազմվածքով, սակայն ինչ-որ ժամանակ երգչուհին «կորցրել էր» այն քանի որ օրգանիզմը հյուծել էր տասնօրյա սովով, որի ընթացքում խմում էր միայն սեւ թեյի տերեւների փոշու, կայենյան պղպեղի հետ խառնած ջուր։ Բացի այդ՝ երգչուհին ստիպված էր սպորտով զբաղվել եւ մասնակցել բազմաթիվ փորձերի։

Մեգան Ֆոքս

Հետեւելով ցածր կալորիականությամբ դիետայի՝ ամերիկադի դերասանուհի Մեգան Ֆոքսը յուրաքանչյուր անգամ ուտելուց առաջ ջրի եւ խնձորի քացախի խառնուրդ է օգտագործում։ Կարծես թե դերասանուհին կարծում է, որ սովորական միջոցները՝ սպորտ, ճիշտ սնունդ, իրեն չեն բավարարում եւ այդ պատճառով նման միջոցների է դիմում։

Ինչպես տանը լավաշ թխել. լավագույն բաղադրատոմսը

public — Sun, 28 Apr 2019 11:16:16 +0000

Բաղադրիչներ

Ալյուր – 2.5 բաժակ
Օղի – 25 մլ
Ջուր – 1 բաժակ
Աղ – 0.5 թ/գ
Բուսական յուղ – 2-3 թ/գ

Պատրաստման եղանակը

Խառնել բոլոր բաղադրիչները: Պետք է ստացվի ոչ շատ պինդ խմոր:
Ստացված զանգվածը ծածկել թաց սրբիչով և թողնել 30 րոպե: Խմորը բաժանել 12 մասի: Յուրաքանչյուր կտորը բարակ շերտի գրտնակել:
Շերտերը տապակել տաք տապակում շատ արագ, ընդամենը մի քանի րոպե:
Ստացված լավաշները նորից թաց սրբիչով ծածկել:

Հայաստանում առաջին անգամ կատարվել է կենդանի դոնորից լյարդի փոխպատվաստում

public — Sun, 28 Apr 2019 11:09:46 +0000

Հայաստանի առողջապահության պատմության մեջ առաջին անգամ կատարվել է կենդանի դոնորից լյարդի փոխպատվաստում:

Այս մասին ՀՀ կառավարության ապրիլի 25-ի նիստում հայտնեց Առողջապահության նախարար Արսեն Թորոսյանը:

«Երեկ Հայաստանի պատմության մեջ առաջին անգամ կատարվել է լյարդի փոխպատվաստում կենդանի դոնորից ռեցիպիենտին: Աղջկանից տրվել է մորը: Մի կտորը լյարդի վերցվում է, փոխպատվաստվում է մի մարդուն, որի լյարդը չի աշխատում՝ կյանքը փրկելու հույս տալով նրան: Վիրահատությունը կատարվել է «Աստղիկ» ԲԿ-ում, մեր ռուս գործընկերների օգնությամբ, մեր Առողջապահության նախարարության աջակցությամբ: Ուզում եմ նաև հավելել, որ մենք այդ ուղղությունը զարգացնելու ենք: Երիկամի փոխպատվաստման կարիք ունեցող շատ պացիենտներ ունենք, ինչպես նաև լյարդի»,- ասաց Թորոսյանը:

Առողջապահության նախարարը հավելեց, որ նախատեսվում է հաջորդ տարվա բյուջեով գումար նախատեսել նաև երիկամի ու լյարդի փոխպատվաստումների համար:

«Հաջորդ տարվա բյուջեում ծրագրում ենք դրա համար գումար նախատեսել, որպեսզի մեր քաղաքացիներին կարողանանք ինչ-որ չափով գոնե աջակցել, որովհետև այդ փոխպատվաստումները տատանվում են 100 հազար դոլարի շրջանակում»,- նշեց Արսեն Թորոսյանը:

Արսեն Թորոսյանն անդրադարձավ նաև Սուրիշեմի կաթվածի բուժման ծրագրին՝ նշելով, որ այն հաջող է ընթանում..

https://www.facebook.com/watch/?v=312397342763006

Ամերիկացիներն սկսել են համակարգչի եւ հեռուստացույցի առջեւ ավելի շատ ժամանակ անցկացնել

public — Fri, 26 Apr 2019 06:08:01 +0000

Բոլոր տարիքային խմբերի ամերիկացիները վերջին տարիներին սկսել են ավելի շատ ժամանակ անցացնել համակարգչի եւ հեռուստացույցի առջեւ, քան նախկինում երբեւԷ: Այդ մասին են վկայում հետազոտության արդյունքները, որոնք հրապարակվել են Ամերիկյան բժշկական ասոցիացիայի հանդեսի հերթական պրակում, տեղեկացնում Է «Արմենպրես»-ը:

Այն ցույց Է տվել, որ ամերիկացի դեռահասներն օրական 8,2 ժամ անցկացնում են նստած վիճակում, իսկ չափահասներն՝ օրական 6,4 ժամ: Այս ցուցանիշը երկու տարիքային խմերի համար Էլ մեկ ժամով ավելացել Է վերջին նման հետազոտության պահից ի վեր, որն անցկացվել Է դարասկզբին, եւ ռեկորդային Է դիտարկման ամբողջ ժամանակաշրջանում: Գիտնականները նշում են, որ նստած վիճակում ժամանակի մեծ մասն ԱՄՆ-ի բնակիչներն անցկացնում են բացառապես հեռուստատեսային ծրագրեր, սերիալներ եւ ֆիլմեր դիտելիս:

Ըստ որում երեխաների 62 տոկոսը, դեռահասների 59 տոկոսը եւ մեծահասակների 65 տոկոսը հեռուստացույց են դիտում օրական երկու կամ ավելի ժամ: Բայց եթե նրանց համաքաղաքացիները հեռուստացույց չեն դիտում, ապա նրանք, որպես կանոն, նստում են համակարգչի առջեւ՝ ինչպես աշխատավայրում, այնպես Էլ տանը, ընդգծում են հետազոտողները: Այս ցուցանիշը, նշված Է զեկույցում, գրեթե կրկնակի մեծացել Է մեծահասակների համար եւ զգալիորեն բարձրացել երեխաների համար, հաղորդել Է ՏԱՍՍ-ը:

Ծիծեռնակաբերդի տարածքում ողջ օրը կգործի Հայկական Կարմիր խաչի ընկերության Առաջին օգնության տաղավարը

public — Wed, 24 Apr 2019 06:48:45 +0000

Մեծ եղեռնի հիշատակի օրվան նվիրված երթի ամբողջ ընթացքում՝ ապրիլի 24-ին՝ ժամը 9։00-ից մինչև ուշ երեկո, Ծիծեռնակաբերդի հուշահամալիրի տարածքում՝ Հիշատակի պուրակին կից, կգործի Հայկական Կարմիր խաչի ընկերության (ՀԿԽԸ) Առաջին օգնության տաղավարը, որտեղ, հատուկ պատրաստվածություն անցած թիմն ու կամավորները, կարիքի դեպքում առաջին օգնություն կցուցաբերեն քաղաքացիներին։ «Արմենպրես»-ի փոխանցմամբ, ՀԿԽԸ կամավորները կշրջեն նաև համալիրի տարածքում՝ անհրաժեշտության դեպքում առաջին օգնություն ցուցաբերելու և խմելու ջուր տրամադրելու համար, հերթապահություն կսահմանեն հուշահամալիրի խորանում։

Արդեն երկար տարիներ է, ինչ Առաջին օգնությունը Հայկական Կարմիր խաչի ընկերության (ՀԿԽԸ) ռազմավարական ուղղություններից է: ՀԿԽԸ-ն միակն է երկրում, որ Առաջին օգնության Եվրոպական խորհրդատվական կենտրոնի չափանիշներին համապատասխան դասընթացներ է իրականացնում տարբեր տարիքային և մասնագիտական խմբերի համար՝ արտակարգ իրավիճակներից և դժբախտ պատահարներից բնակչության խոցելիությունը նվազեցնելու նպատակով: ՀԿԽԸ Առաջին օգնության ուսումնամեթոդական կենտրոնի մասնագետներն իրականացնում են նաև ԱՕ սպասարկում զանգվածային միջոցառումների ժամանակ, ինչպես նաև ծրագրեր` ուղղված երեխաների անվտանգ վարքագծի դաստիարակմանը:

Հայկական Կարմիր խաչի ընկերությունը (ՀԿԽԸ), լինելով Կարմիր խաչի և Կարմիր մահիկի միջազգային շարժման լիիրավ անդամ, առաջնորդվում է Շարժման հիմնարար սկզբունքներով` մարդասիրություն, անկողմնակալություն, չեզոքություն, անկախություն, կամավորություն, եզակիություն, համընդհանրություն։

Շնաձուկը ամերիկացուն օգնել է հայտնաբերել մահացու քաղցկեղը

public — Tue, 23 Apr 2019 04:08:49 +0000

Ամերիկայի Մասաչուսեթս նահանգի բնակիչը շնաձկան հարձակումից հետո բժշկի դիմելով իմացել է իր մահացու քաղցկեղի մասին։39-ամյա Յուդժին Ֆիննը գիշատիչ ձկանը հանդիպել է Քալիֆորնիայում հանգստանալու ժամանակ։ Նա իր 10-ամյա դստեր հետ ծովում լողալիս սուր ցավ է զգացել, որից հետո դստերը անմիջապես գրկելով ուղղվել է դեպի ափ։ Այնտեղ նա իմացել է, որ ջրի մեջ շնաձուկ են նկատել։

Դեպքից հետո Ֆիննի մեջքին երկար վերք է մնացել։Սկզբում նա որևէ նշանակություն չի տվել ցավին, սակայն աստիճանաբար ցավը ավելի է ուժգնացել և նա ստիպված դիմել է բժշկի։ Ինչպես պարզվել է շնաձկան հարվածի պատճառով կրծքավանդակի հատվածում ներքին վնասվածք է առաջացել։ Հետազոտության ընթացքում բժիշկները նաև հայտնաբերել են աջ երիկամի չարորակ քաղցկեղ ։

Քաղցկեղը հնարավոր է եղել հեռացնել։ Ֆիննը նշում է, որ եթե շնաձկան հետ միջադեպը չլիներ, ապա նա չէր գնա հիվանդանոց և երբեք չէր իմանա իր քաղցկեղի մասին։ Նա նշում է, որ շնաձկան շնորհիվ ստացել է ապրելու երկրորդ հնարավորությունը։