Հայաստանի հավաքականի եւ «Կրասնոդարի» նախկին հարձակվող Յուրա Մովսիսյանը վստահ է, որ «Կրանոդարը» կկարողանա նվաճել Ռուսաստանի Պրեմիեր լիգայի չեմպիոնական տիտղոսը։
«Շատ հաճելի է տեսնել «Կրասնոդարին» Ռուսաստանի առաջնության մրցաշարային աղյուսակի առաջին տեղում։ Կասկած չունեմ, որ «Կրասնոդարը» կնվաճի տիտղոսը։
Գալիցկին, Խաշիգը եւ Ֆունդուկյանը գաղափարով եւ երազանքով ակումբ են կառուցել եւ շարունակում են այն կյանքի կոչել։ Նրանք ամեն ինչ արել են սեփական ջանքերով։
Վերջերս իրականացավ երազանք՝ ակադեմիայի 11 սան խաղադաշտում։ Ցույց տվեք այլ ակումբ, որն այդպիսի գործ է արել»,- Յուրա Մովսիսյանի խոսքը մեջբերում է championat.com-ը։
Ռուսաստանի առաջնության 19 տուրից հետո «Կրասնոդարը», «Զենիթն» ու «Սպարտակն» ունեն 40-ական միավոր։