«Ֆորս մաժորներ» սերիալի աստղ Գաբրիել Մահթը լքել է ԱՄՆ-ն: «Ես ոչ մեկին չեմ ասում, թե որտեղ եմ ապրում, քանի որ ուզում եմ դա գաղտնի պահել»,- People ամսագրին ասել է դերասանը՝ հավելելով, որ որոշել է «աշխարհն ուսումնասիրել» ընտանիքի հետ։
Մահթը «երկարատև ընդմիջում» է վերցրել դերասանությունից՝ կենտրոնանալու իր ընտանիքի վրա:
«Հենց COVID-ից առաջ մենք ուզում էինք երեխաներին տնային կրթություն տալ», — ասել է դերասանը։ «Բայց հետո մենք խրվեցինք և հայտնվեցինք Մանհեթենում: Դա մեզ ուղղակի դուր չէր գալիս»:
Մահթը և նրա ընտանիքը որոշել են, որ ժամանակն է հեռանալ «Մեծ խնձորից»: «Մենք որոշեցինք ուսումնասիրել աշխարհը, ուստի հեռացանք»,- շարունակել է նա։ «Ես մեծացել եմ Լոս Անջելեսում և շատ ու շատ տարիներ ապրել եմ Նյու Յորքում: Իմ կյանքի կեսը անցկացրել եմ Արևելյան ափին, մյուս կեսը՝ Արևմտյան ափին»:
«Ֆորս մաժորներ»-ի նկարահանումից հետո Մահթը ընտրել է կարիերայի նոր ուղի` ստեղծագործական գործընկերոջ և Bear Fight Whiskey-ի գործադիր բաժնետիրոջ դերը: Այնուամենայնիվ, Մահթը դեմ չէ «Ֆորս մաժորների» ընտանիքին միանալուն «Ֆորս մաժորներ Լոս Անջելեսում» առաջիկա սփին-օֆֆում: