Դրեյքը 10 000 դոլար է նվիրել իր երկրպագուին, որը շահել է նմանակների մրցույթն իր պատվին։
«God’s Plan» ռեփերի հայրենի քաղաքում՝ Տորոնտոյում տեղի է ունեցել նմանակների մրցույթ, որը կազմակերպել է Casuals Cakery-ն։
Մրցույթի մասին լուրերից հետո փուռը ինսթագրամում հրապարակել է կանադացի հիթմեյքերի սքրինշոթը, որը խոստացել է 10 000 դոլար նվիրել որպես «գլխավոր մրցանակ»։
Վերջնարդյունքում գլխավոր մրցանակը բաժին է ընկել Մաքայլա Չեմբերսին, որը միջոցառմանը եկել էր երկու հյուսերով, շինծու մորուքով, ազատ մարմնագույն սվիտերով եւ սեւ տաբատով։ Նա առաջ է անցել մի քանի մասնակիցներից, որոնք հագել էին տարբերակներ «Գրեմիի» հնգակի դափնեկրի տարբեր հանդերձներից։
Ինֆլյուենսեր Էնթոնի Պոն տեսահոլովակ է տեղադրել ինսթագրամում, որտեղ մյուս մասնակիցները հագել էին «Ozempic Drake»-ի, «Denim Drake»-ի եւ «Durag Drake»-ի նման։
38-ամյա Դրեյքը մակագրել է մի քանի տեսահոլովակներ միջոցառումից՝ գրելով. «Ես սիրում եմ այս քաղաքը», եւ տեղադրել է մի քանի ծիծաղող էմոձիներ։