Անգլիայի չեմպիոն «Մանչեսթեր Սիթիի» 24-ամյա նորվեգացի հարձակվող Էրլինգ Հոլանդը սոցիալական ցանցերում արած գրառմամբ անդրադարձել է վերջին շրջանի անհաջողություններին։
Անգլիայի Պրեմիեր լիգայի 13-րդ տուրում «Մանչեսթեր Սիթին» 0:2 հաշվով պարտվել էր առաջատար «Լիվերպուլին»։
«Մենք տեսել ենք ավելի լավ ժամանակ եւ դարձյալ կտեսնենք։ Շարունակում ենք հավատալ»,- գրել է Էրլինգ Հոլանդը։
Նախորդ 7 հանդիպումներում «Մանչեսթեր Սիթին» ոչ մի հաղթանակ չի տարել՝ կրելով 6 պարտություն։