Քրիստոնյաները շատ դարեր շարունակ Փրկչին պատկերել են բաց մաշկով, երկար մազերով ու մորուքով, ազատ հագուստով մի մարդու: Սակայն փորձագետներն ու գիտնականները հակված են ենթադրելու, որ Հիսուսն իրականում մեզ ծանոթ պատկերից բոլորովին այլ տեսք ուներ, գրում է բրիտանական Daily Mail պարբերականը։
Հին աշխարհի պատմության մասնագետները կարծում են, որ իրական դիմանկարը հակասում է ընդունված կանոններին, հայտնում է «Ֆոկսուս»-ը։ Պատմաբաններն ու աստվածաբանները համոզված են, որ Ավետարանի տեքստերում, ինչպես նաև հնագետների տեղեկություններում կան պատասխաններ, որոնք հնարավորություն են ընձեռում ստեղծել բոլոր քրիստոնյաների գլխավոր խորհրդանիշի մոտավոր դիմանկարը։
Գիտնականները համաձայն են, որ Հիսուսը պատկանում էր հրեա ժողովրդին և, ըստ ամենայնի, հաղորդակցվում էր հին արամեերենով։ Ուստի, ամենայն հավանականությամբ, նա բաց աչքեր, երկար մազեր և մորուք չուներ, այլ շագանակագույն աչքեր, միջին երկարության ալիքաձև մազեր և փոքրիկ, բայց կոկիկ մորուք ուներ։
Աստվածաբանների և հավատացյալների միջև բանավեճի մեկ այլ առարկա է Հիսուսի հագուստը: Քրիստոնյաների մեծամասնությունը նրան պատկերում է որպես ազատ, թեթև զգեստներով և մետաքսե սանդալներով տղամարդու։ Մինչդեռ Լոնդոնի Թագավորական քոլեջի պրոֆեսոր Ջոան Թեյլորը համոզված է, որ հաշվի առնելով Հիսուսի պատմությունը և ատաղձագործի ընտանիքին նրա պատկանելիությունը, նա ավելի պրակտիկ հագուստ է կրել։
«Այն ժամանակ շատ հագուստներ վառ գույներով էին ներկում, բայց առավել առնական էր համարվում ավելի գորշ նրբերանգներ կամ չներկված հագուստ կրելը։ Արտաքին տեսքն ու հագուստը կարևոր են, ուստի Հիսուսը դա պարզաբանեց: Նա խնդրեց նրանց, ում ուղարկեց իր անունից, հագնեն միայն մեկ պատմուճան և մի զույգ սանդալ՝ առանց փողի, ինչպես որ կարիքավորները կարող են գալ գյուղ, որտեղ օգնության կարիք կա։ Հետո շատ պարզ կհագնվեր»,- համոզմունք է հայտնել տիկին Թեյլորը։
Մասնագետները նշում են նաև Հիսուսի ֆիզիկական հատկությունները։ Շեֆիլդի համալսարանում Աստվածաշնչի և կրոնական հետազոտություններ դասավանդող բժիշկ Մերեդիթ Ուորենը, կարծում է, որ երկարատև ատաղձագործությունը, հյուսնությունն ու ֆիզիկապես պահանջկոտ այլ աշխատանքները կոփել են նրա մարմինը:
«Կասկած չկա, որ Հիսուսը ծագում է մի ընտանիքից, որտեղ ֆիզիկական աշխատանքը ընդունված կանոն էր։ Հետևաբար, նա ֆիզիկապես լավ զարգացած էր, և նրա ոտքերը, ձեռքերը և մարմինը լավ ֆիզիկական կորովություն ունեին»,-հայտարարել է տիկին Ուորենը:
Գիտնականն Հիսուսի ոտքով արշավները ևս մեկ ապացույց է համարում: Հիսուսը հաճախ էր իր աշակերտների հետ ոտքով ճամփորդում։ Ուստի գիտնականը համաձայն է մ.թ 1-ին դարի տղամարդկանց կյանքի մասին մարդաբանների կարծիքին, ըստ որի՝ իրենց հանապազօրյա հացը հիմնականում քրտնաջան աշխատանքով էին վաստակում։
«Հիսուսն ու իր աշակերտները հիմնականում ապրում էին բարի մարդկանց հաշվին և տարածքներում, ովքեր ողորմած էին և հաճախ բաժանում էին հասարակ սնունդը: Այնպես որ, ես չեմ կարծում, թե նա շատ է կերել, և ես նրան ավելի ջլապինդ եմ համարում, քան ճարպոտ»,-ամփոփում է տիկին Ուորենը:
Լրատվամիջոցը հավելում է, որ Աստվածաշնչի տեքստում Հիսուսի ոչ մի հստակ նկարագրություն չկա։ Ըստ այդմ, մարդկության պատմության ընթացքում փոխվել է քրիստոնյաների գլխավոր խորհրդանիշի ընդհանուր ընդունված դիմանկարը։ Երկար մորուքով և ազատ հագուստով երկար մազերով տղամարդու ժամանակակից հայեցակարգը սկսեց հաստատվել միջնադարում և վերածննդի դարաշրջանում, մասնավորապես՝ սրբապատկերների ժամանակներից մինչև Լեոնարդո դա Վինչիի աշխատանքները: