Էլթոն Ջոնը կորցրել է տեսողությունը. Կիրակի օրը՝ դեկտեմբերի 1-ին, Լոնդոնում The Devil Wears Prada-ի պրեմիերայի ժամանակ 77-ամյա երաժիշտը դիմել է հանդիսատեսին և ասել, որ չի կարող դիտել շոուն տեսողության խնդիրների պատճառով։
«Ինչպես ձեզանից ոմանք գիտեն, ես խնդիրներ ունեի և այժմ կորցրել եմ տեսողությունս: Ես չկարողացա դիտել ներկայացումը, բայց ինձ դուր եկավ այն»,- ասել է Գրեմմիի մրցանակակիրը բեմում, հայտնում է Daily Mail-ը: Պարբերականի տվյալներով՝ երաժշտի ամուսինը՝ Դեյվիդ Ֆերնիշը, օգնել է նրան բեմից իջնել։
Աշնանը երգիչը հայտարարեց, որ վարակվել է, այն ժամանակ նշելով, որ մի աչքը վատ է տեսնում:
«Ես ապաքինվում եմ, բայց դա չափազանց դանդաղ գործընթաց է, և որոշ ժամանակ կպահանջվի, մինչև վնասված աչքի տեսողությունը վերադառնա», — գրել էր նա այն ժամանակ: