«Բարսելոնան» ու Եվրոպայի չեմպիոնի Իսպանիայի հավաքականի 17-ամյա եզրային հարձակվող Լամին Յամալը մոտ են պայմանագրի երկարաձգմանը, հաղորդում է Barca Universal-ը։
Երբ Լամին Յամալը դառնա 18 տարեկան (2025թ․ հուլիսի 13), կողմերը պայմանագիրը կերկարաձգեն 6 տարով։ Ֆուտբոլիստի հրաժարագինը կսահմանվի 1 միլիարդ եվրո։ Նրա գործող պայմանագիրը նախատեսված է մինչեւ 2026թ․ հունիս։
Ընթացիկ մրցաշրջանում Լամին Յամալը «Բարսելոնայի» հետ մասնակցել է 16 հանդիպման, խփել է 6 գոլ, կատարել 8 գոլային փոխանցում։
Transfermarkt-ը Լամին Յամալի տրանսֆերային արժեքը գնահատում է 150 միլիոն եվրո։