Թրենդային աշխարհում, որտեղ մազերը ներկված են ծիածանի բոլոր գույներով, մոխրագույն մազերը հանկարծ դարձել են վստահության, ոճի եւ նույնիսկ… սեքսուալության խորհրդանիշ: Silver Fox տերմինը վաղուց ասոցացվում է տղամարդկանց հետ, ովքեր ընդունել են իրենց այնպիսին, ինչպիսին կան եւ իրենց ալեհեր մազերը վերածել թրենդի: Ջորջ Քլունին, Ռիչարդ Գիրը, Փիրս Բրոսնանը տղամարդկության համաշխարհային խորհրդանիշներ են:
Եվ այո, Հայաստանում էլ ունենք մեր սեփական Silver Fox-ին, որոնք հրաժարվել են այն կարծրատիպերից, թե մոխրագույն մազերը նշանակում են ծերություն։
Դավիթ Թադեւոսյան
Հեռուստատեսային ռեժիսոր եւ դերասան, ով կարողանում է լինել եւ՛ համարձակ, եւ՛ պարզ: Մոխրագույն մազերը միայն ընդգծում են նրա կերպարը՝ լինի դա կինոյում, Instagram-ում, թե առօրյայում։
Ռուբեն Մալայան
Կալիգրաֆիան արվեստ է համբերատարի եւ հանճարեղի համար։ Ռուբենն անկասկած իր գործի վարպետն է։ Նրա մոխրագույն մազերը չեն թաքցնում նրա ստեղծագործական էներգիան, այլ ընդհակառակը, ուժեղացնում են այն։ Նրա խորը հայացքը, աննշան անփութությունն ու տաղանդը նրան դարձնում են իդեալական օրինակ, թե ինչպես պետք է արտահայտվի ոճը ոչ միայն հագուստի, այլեւ ներաշխարհի մեջ:
Ալեքսանդր Խաչատրյան
Թատրոնի եւ կինոյի դերասան՝ ծակող հայացքով և խարիզմայով, որից դժվար է աչք կտրել։ Եվ ոչ միայն նրա ծակող հայացքը կարող է ստիպել քեզ մտածել կյանքի իմաստի մասին, այլեւ նրա վստահությունը: Նա կարծես գիտի մի բան, որն անհայտ է մնացածին: Այս մագնիսականությունը բառացիորեն ճեղքում է էկրանը:
Սերգեյ Սմբատյան
Դիրիժոր, որի ինտելեկտն ակնհայտ է նույնիսկ ամենաաղմկոտ սենյակում: Նրա ալեհերությունը նման է մեդալի, որը հաստատում է, որ ոճային կերպարի հետեւում թաքնված է խելքն ու խորը անհատականությունը։
Հովակ Գալոյան
Մեկ այլ դերասան, որի կերպարը միշտ էլեգանտ է, բայց գիշատիչի նշույլով. նա նման է այն Silver Fox-ին, որին ուզում ես ավելի ուշադիր նայել, բայց մի փոքր վախենում ես:
Տիգրան Ձիթողցյան
Նուրբ ճաշակով եւ խարիզմայով արվեստագետ, ինչը կարելի է զգալ նույնիսկ հեռվից: Նրա թեթեւ քաոսային ոճային սանրվածքը հիանալի կերպով ընդգծում է անընդհատ մտքի եւ ստեղծագործական որոնումների մեջ գտնվող տղամարդու կերպարը։