Փերիս Հիլթոնը երկրպագուներին ցուցադրել է իր Sliv Air սեփական ինքնաթիռը։ 43-ամյա աշխարհիկ կինը մի քանի տեսանյութեր է տեղադրել ինսթագրամում Լոս Անջելեսից Նյու Յորք թռչելու ճանապարհին։
«Թռչում եմ Նյու Յորք #SlivAir»-ով,- մակագրել է նա առաջին հոլովակը՝ տեսագրելով իր ճանապարհը թռիչքուղուց մինչեւ ինքնաթիռ։
«Պաշտում եմ #SlivAir»-ը,- ավելացրել է Փերիսը իր բաժանորդներին ինքնաթիռի ներսակողմը ցուցադրելուց առաջ։
Սրահի մի մասում երկու մահճակալներն են կողք կողքի դրված, ծածկված փափուկ բարձերով եւ վարդագույն ծածկոցներով, կողքին վարդագույն դիմակն է քնելու համար։
Նա ցուցադրել է ինքնաթիռի թավշե դարչնագույն, կաշվե նստելատեղերը եւ բազմաթիվ նախուտեստները, որոնք դրված են փայլուն փայտե սեղանին, ինչպես նաեւ տորթը Փերիսի եւ լավագույն ընկերուհու՝ Նիկոլ Ռիչիի լուսանկարով 2023թ. The Simple Life շոուից։