Ժիզել Բունդհենը հղի է իր ընկերոջից՝ ջիու-ջիցուի մարզիչ Խոակիմ Վալենտեից: 44-ամյա սուպերմոդելը հանդիպում է 35-ամյա Վալենտեի հետ 2023 թվականի հունիսից՝ 47-ամյա Թոմ Բրեյդիից նրա ամուսնալուծությունից անմիջապես հետո։ Սա կլինի Ժիզելի երրորդ և Խոակիմի առաջին երեխան:
Հաղորդվում է, որ նա արդեն «հինգ-վեց ամսական» հղի է: Աստղին մոտ կանգնած աղբյուրը People-ին հաստատել է, որ «Ժիզելն ու Խոակիմը երջանիկ են իրենց կյանքի այս նոր էջի համար և անհամբեր սպասում են խաղաղ և սիրառատ միջավայր ստեղծելու ողջ ընտանիքի համար»: Մոդելին տեսախցիկը ֆիքսել է հոկտեմբերի 23-ին, երբ փորը փակել է լայն սվիտերով։ Նա նաև բաց է թողել Victoria’s Secret-ի ցուցադրությունը հոկտեմբերի 15-ին, չնայած ապրանքանիշի խորհրդանշական հրեշտակներից մեկն է:
Ժիզելը երկու երեխա ունի նախկին ամուսնու՝ Թոմ Բրեյլիից։ Խոակիմը, ով բրազիլացի ջիու-ջիցուի հրահանգիչ է, իր եղբայրների՝ Պեդրո և Գայ Վալենտեների հետ Մայամիում ջիու-ջիցու ստուդիայի սեփականատեր է: