Ավստրալացի գիտնականները Սիդնեյի համալսարանից պարզել են, որ սեղանի առջեւ կանգնած աշխատանքը ոչ միայն չի նվազեցնում սրտի հիվանդությունների եւ կաթվածի հավանականությունը, այլեւ կարող է հանգեցնել արյան շրջանառության խախտումների։ Հետազոտությունը հրապարակվել է International Journal of Epidemiology (IJE) գիտական պարբերականում։
«Նստելը նոր ծխել է» արտահայտությունը տարածված է դարձել վերջին տասնամյակում՝ ընդգծելով նստած կենսակերպի վտանգը։ Երկարատեւ նստելը կապում են ճարպակալման, դիաբետի եւ սիրտ-անոթային հիվանդությունների հետ։
Ի պատասխան՝ ի հայտ են եկել սեղաններ՝ որպես նորաձեւ որոշում, որն առաջարկում է կրճատել նստած ժամանակը։ Բայց այս մոտեցման արդյունավետության մասին տվյալները հիմնվել են ոչ լիակատար հետազոտությունների վրա։
Նոր աշխատանքում թիմն ուսումնասիրել է 83 հազար մարդու տվյալները՝ հավաքված մի քանի տարում, կրիչ սարքերի օգնությամբ։ Փորձի մասնակիցներն աշխատել են ինչպես նստած, այնպես էլ կանգնած։
Գիտնականները հայտնաբերել են, որ օրական ավելի քան տասը ժամ նստելը կապված է եղել սրտային հիվանդությունների եւ ինսուլտի ավելի բարձր հավանականության հետ։
Բայց տեղում կանգնելն էլ չի իջեցնում այդ ռիսկը։ Փաստորեն, կանգնած վիճակը կապված է արան շրջանառության խնդիրների հետ, ինչպիսին են արյան խցանումը ոտքերում եւ երակների վարիկոզ լայնացումը։
Մասնագետների խոսքով՝ առողջությանը հասցվող վնասը սակավ շարժուն աշխատանքի պատճառով կարող են կանխել կարճատեւ զբոսանքները, ձգումները եւ թեթեւ վարժություններն օրվա ընթացքում։