Consumer Intelligence Research Partners ընկերությունը (CIRP) հրապարակել է զեկույց, ըստ որի՝ Android օպերացիոն համակարգով աշխատող սարքեր ունեցողներն ավելի հաճախ են փոխում իրենց սարքերը, քան iPhone սմարթֆոնների սեփականատերերը:
Վերջին մի քանի տարիների ընթացքում iPhone-ի ավելի երկար օգտագործման միտում է նկատվում: Սարքի բարելավված դիմացկունության, ապառիկի պայմանների թափանցիկության և ավելի քիչ նորամուծությունների շնորհիվ iPhone-ի սեփականատերերն սկսել են ավելի քիչ փոխել իրենց սարքերը նորերով: Android սմարթֆոնների սեփականատերերը վարքագծի այլ մոդել են ցուցադրում։
Այսպես, սմարթֆոնների բոլոր գնորդների շրջանում iPhone-ի նոր սեփականատերերի մոտ մեկ երրորդն օգտագործել է իրենց սարքերը երեք և ավելի տարի: Միևնույն ժամանակ, Android սմարթֆոնների նոր սեփականատերերի միայն 21%-ն է հայտնել, որ իրենց սարքերն ավելի քան երեք տարեկան են։ Այնուամենայնիվ, iPhone-ի սեփականատերերի մոտ 1/3-րդը փոխարինում է երկու տարուց պակաս հնության իրենց սարքերը, մինչդեռ Android սմարթֆոնների սեփականատերերի 57%-ը փոխարինում է երկու տարուց պակաս հնության սարքերը:
Ակնհայտ է, որ օգտատերերի համար Android սմարթֆոններն ավելի արագ են հնանում, քան iPhone-ները: Միևնույն ժամանակ, Android-ի սեփականատերերն ունեն ավելի լայն ընտրություն տարբեր արտադրողների միջև, և Android սմարթֆոնների մեծ մասն ավելի էժան է, քան iPhone-ը, ինչը նվազեցնում է սեփականատերերի ֆինանսական և զգացմունքային կապվածությունը իրենց սարքերին, ասում են վերլուծաբանները: