Մեգան Մարքլը նորաձևության հանդեպ իր սերը նոր մակարդակի է հասցնում։
New York Times-ին տված հարցազրույցում Սասեքսի 43-ամյա դքսուհին հայտնել է, որ վերջերս ներդրումներ է կատարել Cesta Collective ապրանքանիշում, որի պայուսակները նա բազմիցս կրել է վերջին մի քանի տարիների ընթացքում։ «Ես շատ ժամանակ եմ անցկացնում միայն Google-ում՝ փնտրելով ապրանքանիշեր», — ասել է նա: «Մինչ մարդիկ ինչ-որ բան են փնտրում առցանց կամ ինչ-որ բան կարդում, ես փորձում եմ գտնել նոր հիանալի դիզայներներ, հատկապես տարբեր երկրներում»:
Cesta Collective-ի ֆիրմային զամբյուղային պայուսակները հյուսված են Ռուանդայի կանանց կողմից, «որոնց համար մենք հպարտորեն վճարում ենք 500-700% ավելի, քան ազգային միջին աշխատավարձն է», — նշել է նա իր կայքում: Այնուհետև դրանք պատրաստվում են Իտալիայում:
Մարքլն առաջին անգամ ընկերության 790 դոլարանոց պայուսակը բռնել է 2023 թվականի մայիսին՝ ամուսնու՝ արքայազն Հարիի և ընկերների՝ Գվինեթ Փելթրոուի ու Քեմերոն Դիասի հետ Սանտա Բարբարայի Սուշի բարում ընթրիքի ժամանակ: Դրանից հետո այդ մոդելն արագ սպառվել է։
«Մենք մեկ օրում ավելի շատ վաճառք ենք ունեցել, քան երբևէ»,-Times-ին ասել է Cesta Collective-ի համահիմնադիր Էրին Ռայդերը: Նա և իր գործընկեր Քորթնի Վայնբլատ Ֆասիանոն դիմել են թագավորական ընտանիքին՝ շնորհակալություն հայտնելու նրանց աջակցության համար, և Մարքլը դարձել է ապրանքանիշի առաջին արտաքին ներդրողն այս տարի:
Մարքլը հարցազրույցում պատմել է իր՝ նորաձեւության ոգեշնչումների մասին՝ հիշելով այն ժամանակը, երբ նա 2017 թվականին հանրային միջոցառմանհ կրել է Strathberry Midi Tote (845 դոլար), որը հետագայում անհետացել է խանութներից ընդամենը 11 րոպեում։