Ալ Պաչինոյի ընկերուհին՝ Նուր Ալֆալլահը, որն անցյալ տարի դերասանին որդի է պարգեւել, նրան «ցնցող» հայր է անվանել։
Լեգենդար դերասանը 84 տարեկանում դարձել է աշխարհի ամենահայտնի հայրերից մեկը, երբ Նուրը լույս աշխարհ է բերել նրա որդուն՝ Ռոմանին 2023թ. հունիսին։
Նուրը հազվադեպ է հանրային մեկնաբանություն անում, բայց այս մեկում գովաբանել է դերասանին որպես հայր։
Նա ավելի վաղ՝ 2023թ. նոյեմբերին, նշել էր, որ չի պատրաստվում դերասանի հետ կանգնել խորանի առջեւ՝ իրեն անվանելով «ոչ այն տիպը, որն ամուսնանում է»։
Սակայն TMZ-ի իր վերջին հարցազրույցում՝ պատասխանելով նմանատիպ հարցին, կինն ասել է. «Չգիտեմ»։
Երբ Նուրը հղիացավ, դերասանը ցնցվել էր եւ պահանջել հայրության ԴՆԹ թեստ կատարել, քանի որ կարծում էր, որ չի կարող հայր դառնալ առողջական խնդիրների պատճառով, նշել են TMZ-ի աղբյուրները։ Նուրը կատարել է նրա խնդրանքը, արդյունքում՝ պարզվել է, որ երեխան իսկապես Պաչինոյինն է։
22 տարեկանում Նուրը հարաբերություններ է ունեցել Միկ Ջագերի հետ, որն այդ ժամանակ 74 տարեկան էր, բայց կինը պնդել է, որ իրենց տարիքային տարբերությունը «նշանակություն չունի»։