Սթիվ Ջոբսի աղջիկը՝ Իվ Ջոբսը, հանդիպում է բրիտանացի հեծյալ Հարի Չառլզի հետ։
Թխահեր գեղեցկուհին ինսթագրամում շնորհավորել է իր բոյֆրենդին՝ Փարիզի 2024թ. Օլիմպիադայում ոսկե մեդալ նվաճելու առիթով։ Տեսանյութում Չառլզը դուրս է վազում մրցասպարեզից եւ թռչում ոչ մեծ պատնեշի վրայով, որպեսզի գրկի Իվին։ «Ոսկե թի՛մ։ Ես այնպես եմ հպարտանում քեզանով, իմ սեր»,- ավելացրել է Իվը իր գրառման մեջ։
Իր օգտահաշվում Չառլզը հրապարակել է նաեւ բազմաթիվ լուսանկարներ, որոնցում տոնում է հաղթանակը ձիասպորտի բրիտանական թիմի կազմում։
Պարզ չէ, թե ինչքան ժամանակ են նրանք հանդիպում։ Հայտնի է, որ երկուսն էլ սիրում են ձիերին։ Մոդելն ինքն էլ հաջողակ հեծյալ է։ Horse Sport-ի տվյալներով՝ 2019թ. նա մտել է մինչեւ 25 տարեկան լավագույն հեծյալ կանանց կազմ։
Սակայն վերջերս Իվը կենտրոնացել է բացառապես մոդելային բիզնեսի վրա եւ 2022թ. պայմանագիր է ստորագրել DNA Model Management-ի հետ։
Ավելի վաղ նա սիրային հարաբերություններ ուներ Chainsmokers-ի դիջեյ Դրյու Թագարտի եւ Քարդաշյանի ընկեր Հարի Հադսոնի հետ։