«Խենթ Մաքսը. կատաղության ճանապարհ» ֆիլմի ռեժիսոր Ջորջ Միլլերը պատմել է 2015 թվականին էկրաններ բարձրացած հիթային ժապավենի նկարահանման հրապարակում Շարլիզ Թերոնի եւ Թոմ Հարդիի փոխադարձ հակակրանքի մասին:
Նրա կարծիքով, լարվածությունը առաջացել էր այն բանից, որ Թերոնն ու Հարդին խորասուզվել էին իրենց՝ կայսրուհի Ֆուրիոսայի եւ Մաքս Ռոքատանսկու կերպարների մեջ։
«Ես լավատես եմ, ուստի կարծում եմ, որ նրանց պահվածքը արտացոլում էր նրանց կերպարներին, որոնք պետք է սովորեին համագործակցել փոխադարձ գոյատեւման համար»,-The Telegraph-ին ասել է Միլլերը: Խոսելով աստղերի միջեւ լարվածության մասին՝ նա նշել է. «Դրա համար արդարացում չկա, եւ ես կարծում եմ, որ այս բիզնեսում միտում կա մեծ դերակատարումն օգտագործել որպես այլ անհաջողությունների պատրվակ, որոնցից կարելի էր խուսափել»։
Միլլերը գովազդում է նաեւ իր նոր՝ «Ֆուրիոսա» ֆիլմը, որը «Խենթ Մաքս»-ի պրիքվելն է:
«Կատաղության ճանապարհը», որում Թերոնի դերը կկատարի 28-ամյա Անյա Թեյլոր-Ջոյը։
2022 թվականի «Արյուն, քրտինք եւ քրոմ. Խենթ Մաքսի վայրի եւ իրական պատմությունը. կատաղության ճանապարհը» գիրքը մանրամասնում է ֆիլմի արտադրության հետ կապված խնդիրները:
Նշվում էր, որ օսկարակիր դերասանուհին պրոդյուսերներին, նույնիսկ, խնդրել է իրեն «պաշտպանություն» ապահովել Հարդիի հետ լարվածության ֆոնին:
Նրան նյարդայնացնում էր Հարդիի ուշանալը, որին նա մի անգամ ստիպված էր սպասել ավելի քան երեք ժամ։ Երբ դերասանը վերջապես հայտնվել է, Թերոնը հայտնել է իր դժգոհությունը եւ պահանջել, որ պրոդյուսերները տուգանեն նրան՝ «յուրաքանչյուր ուշանալու համար հարյուր հազար դոլարով»։
Հարդին բավական ագրեսիվ է արձագանքել նրա հարձակմանը, եւ դերասանուհին ասել է. «Ինձ պետք է ինչ-որ մեկը, ով պաշտպանի ինձ»:
Միլլերն այդ բախումները վերագրում էր նրանց տարբեր անհատականություններին: «Թոմն ունի թերություններ, բայց նա նաեւ փայլուն դերասան է, եւ ինչ էլ որ պատահեր նրա հետ այդ պահին, նրան պետք էր հանել թրեյլերից»,-ասել է Միլլերը:
«Իսկ Շարլիզն աներեւակայելի կարգապահ էր՝ պարուհի է մասնագիտությամբ, ինչն արտացոլվում էր նրա կատարման ճշգրտության մեջ, եւ նա միշտ առաջինն էր գալիս նկարահանման հրապարակ»: