Քիմ Քարդաշյանը կրկին Balenciaga-ի դեսպան է. Այդ մասին հայտնել է ինքը՝ Քիմը՝ Instagram-ում համապատասխան գրառում հրապարակելով։
Skims-ի 43-ամյա հիմնադիրը պաշտոնապես հարաբերություններ է հաստատել ֆրանսիական նորաձևության տան հետ՝ տարիների ընթացքում կրելով կրեատիվ տնօրեն Դեմնա Գվասալիայի նմուշները: Քարդաշյանի պաշտոնական գովազդային դիմանկարը նկարահանվել է վավերագրող լուսանկարիչ Պլատոնի կողմից և ներկայացվել է նրա հայտարարությամբ, որում ասվում է. «Արդեն մի քանի տարի է, ինչ Balenciaga-ի մոդելները իմ բազմաթիվ կերպարների մի մասն են, և իմ ամենահայտնի նորաձևության պահերից մի քանիսը: Այս պատմական նորաձևության տունը համատեղում է արդիականությունը, վարպետությունը և դիզայնի նորարարական մոտեցումը Դեմնայի ղեկավարությամբ: Ինձ համար այս երկարամյա հարաբերությունները կառուցված են փոխադարձ վստահության և ճիշտ բան անելու ցանկության վրա: Ես անհամբեր սպասում եմ ապրանքանիշի պատմության հաջորդ գլխին և նրանց դեսպանը դառնալու հնարավորությանը»,- ընդգծել է Քարդաշյանը:
Նախկինում Քարդաշյանը նաև նկարահանվել է Balenciaga-ի բազմաթիվ գովազդային արշավներում, նստել է բրենդի շոուների առաջին շարքում, մասնակցել է Couture տան 51-րդ ցուցադրությանը և ուղեկցել Դեմնային 2021 թվականի Met Gala-ին:
Սակայն նրա կապերը նորաձեւության տան հետ առանց սկանդալների չեն անցել։ 2022 թվականին Քարդաշյանը, ինչպես շատ ուրիշներ, հայտարարել է, որ «վերանայում» է իր հարաբերությունները ապրանքանիշի հետ՝ դրա գովազդային արշավների շուրջ հակասությունների ֆոնին:
Քիմից բացի վերջերս բրենդի դեսպան է դարձել նաեւ Նիկոլ Քիդմանը։