Էնրիկե Իգլեսիասը տառապում է խրոնիկական հիվանդությամբ, որը նա, ենթադրաբար, ժառանգել է ծնողներից

Իսպանացի երգիչ Էնրիկե Իգլեսիասը առողջական խնդիրների պատճառով երկար ժամանակ բեմ չի բարձրացել, հայտնում է Marca-ն։

Իգլեսիասը ներկայումս պատրաստվում է The Trilogy Tour-ին՝ համերգների շարք, որը նրան կտանի աշխարհի շատ մասեր՝ Ռիկի Մարտինի եւ ռեփեր Փիթբուլի հետ: Շրջագայությունը կմեկնարկի այս տարվա հոկտեմբերին։

Սակայն մինչեւ վերջերս երգիչ Խուլիո Իգլեսիասի որդին լավագույն ֆիզիկական վիճակում չէր եւ որոշել էր դադար վերցնել՝ նոր թափով վերադառնալու համար։

Պարզվել է, որ Էնրիկեն ունի «situs inversus»։ Սա ներքին օրգանների փոխադրումն է կամ ներքին օրգանների հայելային (հակադարձ) դասավորությունը՝ կենսաբանորեն նորմալ անատոմիայի հազվագյուտ տարբերակ, որի դեպքում ներքին օրգանները սովորական նորմալ դիրքի համեմատ հայելային դասավորություն ունեն։

Սա առկա է աշխարհում յուրաքանչյուր 20-ից մեկի մոտ եւ ունի գենետիկ բնույթ: Situs inversus-ը սովորաբար ուղեկցվում է այլ արատներով, ինչպիսիք են պոլիսպլենիտը կամ Կարտագեների համախտանիշը: