Նատալի Պորթմանը եւ նրա ամուսին Բենջամին Միլպյեն բաժանվել են 11 տարվա ամուսնությունից հետո։ Դերասանուհին դեռ չի կարողացել ներել ամուսնու դավաճանությունը։ Այս մասին հայտնում է Us Weekly-ն։
«Այն բանից հետո, երբ հայտնի դարձավ նրա սիրավեպի մասին, նրանք փորձել են պահպանել իրենց ամուսնությունը, սակայն ներկայումս տարաձայնություններ ունեն», — պատմել է հրատարակության աղբյուրը։
Հիշեցնենք, որ ամառվա սկզբին համացանցում ասում էին, որ Նատալի Պորթմանը եւ Բենջամին Միլպյեն ամուսնալուծության եզրին են: Ամուսինը դերասանուհուն դավաճանել է 25-ամյա էկոակտիվիստ Կամիլ Էթյենի հետ։ Ինչպես հետո հայտնել են աղբյուրները, դերասանուհին փորձել է ներել ամուսնուն։ «Նատալին կարծում է, որ Բենջամինի գայթակղությունը կարճ հիմարություն էր, որը նրա համար ոչինչ չի նշանակում», — Us Weekly-ին բացատրել է աղբյուրը: