Բելլա Հադիդը վերադարձել է սոցիալական ցանցեր: Անձնական բլոգում մոդելը պատմել է իր բուժման մասին։ Նա շնորհակալություն է հայտնել բոլոր նրանց, ովքեր իր կողքին են եղել այս դժվարին ժամանակահատվածում։ Բացի այդ, նա ցույց է տվել լուսանկարներ իր անձնական արխիվից, որոնցում պատկերված են նրա անցած մի քանի ամիսները:
«Ես շնորհակալ եմ մորս, որ պահել է իմ բոլոր բժշկական փաստաթղթերը, կողքիս է եղել, երբեք չի լքել ինձ, պաշտպանել, աջակցել է ինձ, բայց ամենից շատ՝ ինձ հավատալու համար»,- սկսել է աստղը։
«Միակ բանը, որ ուզում եմ բոլորիդ ասել։ Նախ ես լավ եմ, անհանգստանալու կարիք չկա։ Երկրորդ, ես աշխարհում ոչինչ չէի փոխի։ Եթե ստիպված լինեի նորից անցնել այս ամենի միջով այստեղ հասնելու համար, հենց այս պահին, որում ես գտնվում եմ հենց հիմա, բոլորիդ հետ, ես կանեի այդ ամենը: Դա ինձ դարձրեց այնպիսին, ինչպիսին ես կամ այսօր: Տիեզերքն աշխատում է ամենացավոտ ու գեղեցիկ ձեւերով, բայց պետք է ասեմ, որ եթե պայքարես, ամեն ինչ կստացվի։ Խոստանում եմ ամուր մնալ, հավատալ ինքս ինձ եւ լավագույնին, այդ դեպքում ամպերը կսկսեն ցրվել: Ես մեծ երախտագիտություն եմ զգում այս 100+ օրվա բուժման, գրեթե 15 տարվա անտեսանելի տառապանքների համար. արժեր»,- գրել է մոդելը։ Նա շնորհակալություն է հայտնել նրանց, ովքեր օգնել են իրեն եւ նշել, որ կվերադառնա, երբ պատրաստ լինի։
Հիշեցնենք, որ Բելլա Հադիդի մոտ սրվել է Լայմի հիվանդությունը, որն առաջանում է որոշակի տեսակի տիզերի խայթոցից։ Այն աստղի մոտ ախտորոշել են 2012 թվականին, եւ այժմ հիվանդությունը կրկին հիշեցրել է իր մասին։