«Նյուքասլ Յունայթեդը» մտադիր է ամառային տրանֆերային պատուհանի ժամանակ ձեռք բերել «Բարսելոնայի» բրազիլացի հարձակվող Ռաֆինյային, հաղորդում է Goal.com-ը։ «Նյուքասլ Յունայթեդն» արդեն առաջարկ է արել կատալոնական ակումբին։ Անգլիական ակումբը պատրաստ է 26-ամյա ֆուտբոլիստի համար վճարել 80 միլիոն եվրո։ Ռաֆինյայի ծառայություններով հետաքրքված են նաեւ Լոնդոնի «Արսենալն» ու «Տոտենհեմը»։
«Բարսելոնան» պատրաստ է վաճառել Ռաֆինյային, որպեսզի կարողանա հունիսին պայմանագիր կնքել աշխարհի չեմպիոն Արգենտինայի հավաքականի 35-ամյա հարձակվող Լիոնել Մեսիի հետ։
Անցած ամռանը «Բարսելոնան» Ռաֆինյայի համար անգլիական «Լիդս Յունայթեդին» վճարել էր 65 միլիոն եվրո։
Ընթացիկ մրցաշրջանում Ռաֆինյան իսպանացի Չավիի գլխավորած թիմի հետ մասնակցել է 45 հանդիպման, խփել է 10 գոլ, կատարել 11 գոլային փոխանցում։