Անսովոր ավտոմեքենաները Consumer Electronics Show-ին (CES) ցուցադրվում են ամեն տարի, սակայն դրանցից շատերը մնում են որպես կոնցեպտներ և այդպես էլ երբեք չեն հայտնվում շուկայում: Այս տարի Լաս Վեգասում անցկացված CES 2023-ին ցուցադրվեցին մի քանի հետաքրքիր ավտոմեքենաներ, որոնք կարծես մեզ մոտ հայտնվել էին ապագայից: Եվ բացառված չէ, որ դրանցից մի քանիսը վաճառքի հանվեն առաջիկա տարիներին։

Թռչող ավտոմեքենա

Կալիֆոռնիայում գործող Aska ընկերությունը ներկայացրել է թռչող ավտոմեքենայի աշխատանքային նախատիպը, որի զանգվածային արտադրությունը կարող է սկսվել արդեն 2026 թ․։ Ճիշտ է, այս ավտոմեքենայի ղեկին նստելու համար անհրաժեշտ կլինի ունենալ օդաչուի վկայական։ Նաև մոտ 800,000 դոլար այն գնելու համար:

Նախատիպը, որը հայտնի է A5 անունով, նման է ուղղաթիռի, ինքնաթիռի և ֆուտուրիստական ​​ավտոմեքենայի խառնուրդի: Ինքը՝ արտադրողն այն անվանում է աշխարհում առաջին eVTOL՝ ուղղահայաց թռիչքով և վայրէջքով էլեկտրական ավտոմեքենան: Այնուամենայնիվ, այս ավտոմեքենան իրականում ամբողջովին էլեկտրական չէ. էլեկտրաէներգիա այն հիմնականում օգտագործում է թռիչքի և վայրէջքի համար, բայց կա նաև բենզինային շարժիչ, որն աշխատում է պրեմիում վառելիքով և մեկ լիցքավորմամբ կարող է գնալ մինչև մինչև 400 կմ հեռավորություն։ Թե որքան տարածք կարող է ավտոմեքենան գնալ ցամաքում, դեռ հայտնի չէ։ Հայտնի չեն նաև շատ այլ բնութագրեր, ներառյալ ավտոմեքենայի կամ մարտկոցի հզորությունը։

Թռչող, քամելեոն ավտոմեքենաներ և ավելին. ապագայի ավտոմեքենաները, որոնք ցուցադրվել են CES 2023-ի ընթացքում

11 հունվարի, 2023  14:40

Անսովոր ավտոմեքենաները Consumer Electronics Show-ին (CES) ցուցադրվում են ամեն տարի, սակայն դրանցից շատերը մնում են որպես կոնցեպտներ և այդպես էլ երբեք չեն հայտնվում շուկայում: Այս տարի Լաս Վեգասում անցկացված CES 2023-ին ցուցադրվեցին մի քանի հետաքրքիր ավտոմեքենաներ, որոնք կարծես մեզ մոտ հայտնվել էին ապագայից: Եվ բացառված չէ, որ դրանցից մի քանիսը վաճառքի հանվեն առաջիկա տարիներին։

Թռչող ավտոմեքենա

Կալիֆոռնիայում գործող Aska ընկերությունը ներկայացրել է թռչող ավտոմեքենայի աշխատանքային նախատիպը, որի զանգվածային արտադրությունը կարող է սկսվել արդեն 2026 թ․։ Ճիշտ է, այս ավտոմեքենայի ղեկին նստելու համար անհրաժեշտ կլինի ունենալ օդաչուի վկայական։ Նաև մոտ 800,000 դոլար այն գնելու համար:

Նախատիպը, որը հայտնի է A5 անունով, նման է ուղղաթիռի, ինքնաթիռի և ֆուտուրիստական ​​ավտոմեքենայի խառնուրդի: Ինքը՝ արտադրողն այն անվանում է աշխարհում առաջին eVTOL՝ ուղղահայաց թռիչքով և վայրէջքով էլեկտրական ավտոմեքենան: Այնուամենայնիվ, այս ավտոմեքենան իրականում ամբողջովին էլեկտրական չէ. էլեկտրաէներգիա այն հիմնականում օգտագործում է թռիչքի և վայրէջքի համար, բայց կա նաև բենզինային շարժիչ, որն աշխատում է պրեմիում վառելիքով և մեկ լիցքավորմամբ կարող է գնալ մինչև մինչև 400 կմ հեռավորություն։ Թե որքան տարածք կարող է ավտոմեքենան գնալ ցամաքում, դեռ հայտնի չէ։ Հայտնի չեն նաև շատ այլ բնութագրեր, ներառյալ ավտոմեքենայի կամ մարտկոցի հզորությունը։

A5-ը մոտավորապես սովորական ամենագնաց ավտոմեքենայի չափ է և ունի մեծ թևեր, որոնք հետ են քաշվում ցամաքային ուղևորության ժամանակ: Սրահը, ըստ արտադրողի, բավական մեծ է չորս ուղևոր հարմարավետ տեղափոխելու համար։ Կա նաև պարաշյուտ, որը բավականաչափ մեծ է ավտոմեքենայի վայրէջքն ապահովելու համար, եթե հանկարծ օդում ինչ-որ խնդիր առաջանա։

Ընկերության համահիմնադիր Գայ Կապլինսկին ակնկալում է, որ A5-ը FAA սերտիֆիկացում կստանա «մեկ ամսվա ընթացքում», և եթե դրա հետ կապված խնդիրներ չլինեն, ապա երեք տարի հետո մարդիկ կկարողանան աշխատանքի գնալ թևավոր ավտոմեքենա-ուղղաթիռով:

Քամելեոն ավտոմեքենա

Ավտոարտադրող BMW ընկերությունը CES 2023-ի ժամանակ ցուցադրել է քամելեոն ավտոմեքենայի կոնցեպտ, որը կարող է փոխել ամբողջ թափքի կամ դրա առանձին մասերի գույնը։ Ընկերությունը նման տեխնոլոգիա ցուցադրել էր նաև անցյալ տարի, բայց այն ժամանակ հասանելի էին միայն մոխրագույնի տարբեր երանգներ։ Այժմ BMW i Vision Dee-ի թափքի 240 հատվածներից յուրաքանչյուրը կարող է ակնթարթորեն փոխել գույնը և ստանալ հասանելի 32 գույներից որևէ մեկը։

Ավտոմեքենայում «ապրում» է նաև թվային օգնական Dee-ի (Digital Emotional Experience), որը կարող է զգացմունքներ արտահայտել լուսարձակների (դրանց ձևը կարող է փոխվել) և ռադիատորի վանդակաճաղի օգնությամբ, շփվել վարորդի հետ, ինչպես նաև ցուցադրել տեղեկությունները դիմապակու վրայի պրոեկցիոն էկրանին։

Առայժմ քամելեոն ավտոմեքենան ներկայացված է որպես կոնցեպտ՝ էլեկտրական ազդակներ ընդունող վահանակների վրա հիմնված տեխնոլոգիան դեռ պատրաստ չէ իրական արտադրության։ Բայց այն իսկապես տպավորիչ տեսք ունի:

էլեկտրական պիկապ

Ի տարբերություն նախորդ երկու ավտոմեքենաների՝ Ram 1500 Revolution BEV Concept-ը, որը CES 2023-ին ներկայացրել է Stellantis ընկերությունը, բավականին սովորական տեսք ունի, ինչպես մյուս պիկապների մեծ մասը: Ճիշտ է, այն էլեկտրական է, և հաջորդ տարի շուկա դուրս գալու բավականին լուրջ շանսեր ունի։

ԱՄՆ-ում ամենակուլտային բեռնատարներից մեկից՝ Ram 1500-ից, նոր կոնցեպտային մոդելը տարբերվում է թարմացված դիզայնով՝ ավազի ժամացույցի տարրերով, թափքի վրա լուսավորված տարբերանշանով և իրար դիմաց բացվող դռներով: Ավտոմեքենայի խցիկը երկու սրահից է բաղկացած, իսկ հետևի հատվածը՝ ձևափոխված. այն կարող է կա՛մ ծալվել և հավելյալ տարածք տրամադրել մեծ ծավալի բեռներ փոխադրելու համար, կա՛մ բացվել և ստանալ երկու լրացուցիչ ուղևորի նստատեղ։ Սրահն ունի չորս առանձին նստատեղ՝ ամրագոտիներով։

Ram 1500 Revolution BEV Concept-ը կառուցված է STLA Frame պլատֆորմի վրա, որը ներառում է ավտոմեքենայի շասսին, 800 վոլտանոց էլեկտրահամակարգը, որն ապահովում է մինչև 350 կՎտ լիցքավորման կայանների աջակցություն, երկու էլեկտրական շարժիչ, որոնք ապահովում են լիաքարշ ընթացք, ինչպես նաև մարտկոց, որի շնորհիվ ավտոմեքենան կարող է մինչև 800 կմ հեռավորություն անցնել։

Նոր պիկապն ունի նաև մեկ այլ հետաքրքիր առանձնահատկություն՝ Shadow Mode ֆունկցիայով ավտոպիլոտ ընթացքի հնարավորությունը, որի շնորհիվ ավտոմեքենան կարող է ընթանալ իր դիմացից քայլող տիրոջ հետևից։

Ակնկալվում է, որ նոր պիկապը կհայտնվի վաճառքում արդեն 2024 թ․։

Բոնուս

Ավտոմեքենայի դռները կանխում են վթարները

Ամերիկացի հեծանվորդներն այս երևույթն անվանում են dooring՝ բախում ավտոմեքենայի բացված դռան հետ։ Դուք հանգիստ ընթանում եք հեծանվային արահետով, և հանկարծ կայանված մեքենայից ինչ-որ մեկը բացում է դուռը, և դուք բախվում եք դրան։ 2011 թ․ Չիկագոյում հեծանվորդների ներգրավմամբ վթարների վերաբերյալ ուսումնասիրության համաձայն՝ հեծանվորդի յուրաքանչյուր 5-րդ վնասվածքի պատճառը, այդ թվում՝ մահվան դեպքը, ավտոմեքենայի բացված դռան հետ բախումն է։

Այս տարվա CES-ում HCMF Group-ը և TMYTEK (Թայվան) ընկերությունը ցուցադրեցին հետաքրքիր տեխնոլոգիա, որը կարող է օգնել հեծանվորդներին և ավտոմեքենաների վարորդներին: Ավտոմեքենայի մեջ ներկառուցված «միլիմետրային դիապազոնի ռադարը», որն արտոնագրված է, կարող է արագ հայտնաբերել արագ շարժվող առարկաները, որոնք մոտենում են ավտոմեքենային։ Սա թույլ է տալիս երկրորդ տեխնոլոգիային՝ ավտոմեքենայի սենսորով դռներին, զգուշացնել վարորդին վտանգի մասին կամ նույնիսկ թույլ չտալ, որպեսզի դուռը բացվի, մինչև հեծանվորդը անցնի:

Քանի դեռ այս տեխնոլոգիաները չեն հայտնվել շուկայում, խորհուրդ է տրվում ավտոմեքենայի դուռը բացել այն ձեռքով, որն ավելի հեռու է դռնից, քանի որ այս դեպքում դուք ստիպված կլինեք մի փոքր շրջվել և այդ պարագայում կնկատեք, թե ինչպես են ձեզ մոտենում հեծանվորդներ կամ այլ ավտոմեքենաներ: