Դորտմունդի «Բորուսիայի» եւ Գերմանիայի հավաքականի հարձակվող Յուսուֆա Մուկոկոն ցանկանում է կարիերան շարունակել «Բարսելոնայում»։
18-ամյա խաղացողը հրաժարվել է երկարաձգել պայմանագիրը «Բորուսիայի» հետ։ Այն նախատեսված է մինչեւ այս մրցաշրջանի ավարտը։ Կատալոնական ակումբը հետաքրքրված է Մուկոկոյի ծառայություններով եւ պատրաստ է անվճար ձեռք բերել նրան հաջորդ ամռանը, հաղորդում է Sport.es-ը։
Ընթացիկ մրցաշրջանում Մուկոկոն «Բորուսիայի» հետ բոլոր մրցաշարերում մասնակցել է 22 հանդիպման, խփել է 6 գոլ, կատարել 5 գոլային փոխանցում։ Մուկոկոն Գերմանիայի հավաքականի հայտացուցակում էր աշխարհի առաջնությունում եւ մասնակցեց մեկ հանդիպման։