Գոյություն ունեն քաղցկեղի բազմաթիվ հնարավոր նշաններ, չնայած դրանք կարող են կապված լինել առողջական տարբեր խնդիրների հետ, գրել է Daily Express-ը։
Ինչպես նշել է Մեծ Բրիտանիայի Առողջապահության ազգային ծառայությունը, կան կերակրափողի քաղցկեղի բազմաթիվ հնարավոր ախտանշաններ, բայց դրանք դժվար է նկատել։
Գերատեսչության տեղեկացմամբ՝ կերակրափողի քաղցկեղի դեպքերի մեծ մասը ախտորոշվում է 60-ից բարձր տարիքի մարդկանց մոտ։
Այդ վտանգավոր հիվանդության հնարավոր ախտանշաններից են կլլելու հետ կապված խնդիրները (դիսֆագիա), սրտխառնոցի կամ թուլության զգացողությունը, այրոցը կամ թթվային ռեֆլյուքսը, ստամոքսի փքվածության ախտանշանները, օրինակ՝ հաճախակի գխտոցը։