Անգլիական «Աստոն Վիլայի» անգլիացի գլխավոր մարզիչ Սթիվեն Ջերարդը հետաքրքրված է ֆրանսիական ՊՍԺ-ի հոլանդացի կիսապաշտպան Ժորժինյո Վեյնալդումի ծառայություններով, հաղորդում է Birmingham Live-ը։
31-ամյա ֆուտբոլիստը ցանկանում է ամռանը հեռանալ փարիզյան ակումբից։ «Աստոն Վիլան» հավակնորդներից մեկն է։
Վեյնալդումը ՊՍԺ-ում է հանդես գալիս 2021թ․ հուլիսից։ Այս մրցաշրջանում նա փարիզյան թիմի հետ մասնակցել է 28 հանդիպման, խփել 3 գոլ, կատարել 2 գոլային փոխանցում։
Transfermarkt.com-ը Վեյնալդումի տրանսֆերային արժեքը գնահատում է 25 միլիոն եվրո։