«Ռեալը» մտադիր է գնել «Նապոլիի» կիսապաշտպանին

Մադրիդի «Ռեալը» ցանկանում է ամառային տրանսֆերային պատուհանի ժամանակ ձեռք բերել իտալական «Նապոլիի» եւ Իսպանիայի հավաքականի 25-ամյա կիսապաշտպան Ֆաբիան Ռուիսին, հաղորդում է twitter.com/NicoSchira-ն։

Ֆաբիան Ռուիսը եւս ցանկանում է հանդես գալ Իսպանիայում եւ դադարեցրել է բանակցությունները «Նապոլիի» հետ պայմանագրի երկարաձգման հարցով։

Իտալիայի ընթացիկ առաջնությունում Ֆաբիան Ռուիսը մասնակցել է 21 հանդիպման, խփել 5 գոլ, կատարել 3 գոլային փոխանցում։

Transfermarkt-ը Ֆաբիան Ռուիսի տրանսֆերային արժեքը գնահատում է 55 միլիոն եվրո։