Ֆրանսիական ՊՍԺ-ի արգենտինացի հարձակվող Լիոնել Մեսին 1/8 եզրափակիչի առաջին խաղում Մադրիդի «Ռեալի» նկատմամբ 1։0 հաշվով հաղթանակից հետո գնահատել է փարիզյան թիմի շանսերը Չեմպիոնների լիգայում։
«Կարծում եմ՝ մենք ունենք այնպիսի կազմ, որ կարող եմ ձգտել տիտղոսի Չեմպիոնների լիգայում։ Մենք շատ ոգեշնչված ենք գաղափարով եւ հեռանկարով։ Հույս ունենք, որ կյանքի կկոչենք այդ գաղափարը, բայց հիմա պետք է հանդարտվել այս հաղթանակից հետո։
Ոչ միշտ է հաղթում ուժեղագույն թիմը։ Պետք է կենտրոնանալ բոլոր մանրուքների վրա՝ մտածելով լավագույնը դառնալու նպատակի մասին։ Ուժեղագույն թիմերն են հասնում իրենց նպատակներին։ ՊՍԺ-ն մտածում է այդ մասին»,- Մեսիի խոսքը մեջբերում է PSG Magazine-ը։
«Ռեալ» — ՊՍԺ պատասխան հանդիպումը տեղի կունենա մարտի 9-ին։