Լեմպարդը՝ «Էվերտոնում» կրած առաջին պարտության մասին

Լիվերպուլի «Էվերտոնի» նորանշանակ անգլիացի գլխավոր մարզիչ Ֆրենկ Լեմպարդը մեկնաբանել է առաջին պարտությունը նոր պաշտոնում։ Անգլիայի առաջնության 24-րդ տուրում «Էվերտոնը» 1։3 հաշվով պարտվել է «Նյուքասլ Յունայթեդին»։

«Իհարկե, հիմա ֆուտբոլիստների ինքնավստահության աստիճանը ցածր է։ Դա խփում է մեզ։ Ես եկել եմ մի ակումբ, որը ցուցադրում է վատ արդյունքներ։ Գոյություն չունի կախարդական փայթիկ, որով ամեն ինչ անմիջապես կշտկվի։

Սա Պրեմիեր լիգան է, այստեղ շատ բարդ է։ Միակ բանը, որ պետք է անել համառ աշխատանքն է եւ առաջ գնալը»,- Լեմպարդի խոսքը մեջբերում է BT Sport-ը։

43-ամյա մասնագետը «Էվերտոնը» գլխավորել է հունվարի 31-ին։ Լեմպարդը նախկինում մարզել է նաեւ «Դերբի Քաունթին» ու «Չելսին»։

Անգլիայի առաջնության 21 խաղից հետո «Էվերտոնը» 19 միավորով 16-րդն է։

«Նյուքասլ» — «Էվերտոն»՝ 3։1 (տեսանյութ)

Մեյսոն Հոլգեյթ, 37, ինքնագոլ, Ռայան Ֆրեյզեր, 56, Կիրան Տրիպիեր, 80 — Ջամալ Լասելս, 36