Աշխարհի նախկին առաջին ռակետ Էնդի Մարեյը դուրս է եկել Ավստրալիայի Սիդնեյ քաղաքում անցկացվող ATP շարքի մրցաշարի եզրափակիչ։
Բրիտանացի թենիսիստը երեք սեթում առավելության է հասել ամերիկացի Ռայլի Օփելկայի նկատմամբ՝ 6:7 (6:8), 6:4, 6:4։ Եզրափակիչում Էնդի Մարեյի մրցակիցը կլինի ռուսաստանցի Ասլան Կարացեւի եւ բրիտանացի Դենիել Էվանսի դիմակայության հաղթողի հետ։
Էնդի Մարեյը նախորդ անգամ ATP մրցաշարի եզրափակիչ էր հասել 2019թ. հոկտեմբերին։ Այն ժամանակ նա Բելգիայի Անտվերպեն քաղաքում անցկացված մրցաշարի եզրափակիչում 3:6, 6:4, 6:4 հաշվով պարտության էր մատնել շվեյցարացի Սթեն Վավրինկային։