«Սեւիլիայի» դեմ Իսպանիայի առաջնության հանդիպումից առաջ «Բարսելոնայի» իսպանացի գլխավոր մարզիչ Չավին նշել է, որ պետք է օրինակ վերցնեն «Սեւիլիայից»։
«Գերազանց մոտիվացիա ունենք, բայց հաղթել «Սեւիլիային» առաջիկա խաղում շատ բարդ կլինի։ Մեզ դիմակայելու է հրաշալի կազմակերպված, գերազանց թիմ։ Մենք կհանդիպենք անմիջական մրցակցի հետ մրցաշարային աղյուսակում։ Մեր թիմը պետք է գիտակցի առաջիկա հանդիպման ամբողջ կարեւորությունն ու բարդությունը։
Մենք պետք է օրինակ վերցնենք «Սեւիլիայից»․ նրանք ուժեղ են ոչ միայն խաղադաշտում, այլեւ հանդերձարանում։ Մոնչին լավագույն մասնագետներից մեկն է»,- Չավիի խոսքը մեջբերում է Goal.com-ը։
Իսպանիայի առաջնության չորրորդ տուրից տեղափոխված «Սեւիլիա» — «Բարսելոնա» հանդիպումը տեղի կունենա դեկտեմբերի 21-ին եւ կմեկնարկի Երեւանի ժամանակով 00։30-ին։
«Սեւիլիան» 17 խաղից հետո 37 միավորով երկրորդն է, «Բարսելոնան» 8-րդն է՝ 27 միավոր։