Ռուս երաժիշտ Գրիգորի Լեպսն ու նրա կինը՝ Աննա Շապլիկովան, քսան տարվա ամուսնությունից հետո բաժանվում են, հայտնում է StarHit-ը՝ վկայակոչելով դատարան ներկայացված փաստաթղթերը։
Զույգը դատարանում կհանդիպի դեկտեմբերի 20-ին՝ ամուսնության լուծման մանրամասները կարգավորելու համար։ Լեպսն ու Շապլիկովան դաստիարակում են երեք երեխաներին՝ 19-ամյա Եվային, 14-ամյա Նիկոլին եւ 11-ամյա Իվանային։
Լեպսն ու Շապլիկովան ծանոթացել են 2000թ․-ին, երկու տարի անց ամուսնացել են։ Երկու տարի անց նրանք օրինականացրել են հարաբերությունները։ Հայտնի չէ, թե ինչ պատճառով է փլուզվել նրանց ամուսնությունը։
Վերջերս երաժիշտը սոցիալական ցանցերում հուզիչ դիմել էր կնոջը։ «Քեզ մաղթում եմ նույն կերպ անհավանական գեղեցիկ, խելացի, ուրախ մնալ։ Թող քո յուրաքանչյուր ձգտում նշանավորվի հաղթանակով, թող քո յուրաքանչյուր երազանք պարտադիր կատարվի։ Շնորհակալություն երեխաների եւ մեր մասին հոգ տանելու համար։ Քեզ երջանկություն, հիանալի տրամադրություն ու երջանկություն եմ մաղթում»,- գրել էր 59-ամյա Լեպսը՝ Աննային սեր խոստովանելով։